OMG / લગ્ન કરવા માટે યુવકે અપનાવ્યો નવો નુસ્ખો, આટલી છોકરીઓએ મોકલ્યું માંગુ

• છોકરી શોધવા માટે 40 હજારનું બિલબોર્ડ લગાવ્યું
• પાર્ટનર શોધવા વેબસાઈટ પણ બનાવી છે
• હું ૧૦૦ કરતાં પણ વધારે લોકોના સંપર્કમાં છું

અત્યારના જમાનામાં ડેટિંગ એપની કોઈ કમી નથી તેમ છતાં માન્ચેસ્ટર શહેરના યુવકે પાર્ટનર શોધવા માટે બિલબોર્ડ છપાવ્યું છે. ૩૦ વર્ષીય માર્ક રોફે શહેરના સૌથી વ્યસ્ત ગણાતા રસ્તા પર જ પોતાનું બિલબોર્ડ લગાવ્યું છે. પોતાના આ પ્રયોગ પર માર્કે કહ્યું કે, હું ૧૦૦ કરતાં પણ વધારે લોકોના સંપર્કમાં છું, પરંતુ જોવાની વાત તો એ છે કે તેમાં મોટાભાગના લોકો પુરુષો જ છે. એક દિવસ મને વિચાર આયો કે, ડેટિંગ એપના ચક્કરમાં મારે નથી પડવું, પણ કોઈ મોટા બિલબોર્ડ પર મારો ફોટો છપાવીને હું પાર્ટનર શોધવાની જાહેરાત કરી શકુ છું.

માર્ક છેલ્લા ૧ વર્ષથી સિંગલ છે. તેણે પાર્ટનર માટે ૩ મીટર ઊંચું અને ૬ મીટર પહોળું બિલબોર્ડ બનાવડાવ્યું છે. માત્ર બિલબોર્ડ જ નહીં પણ માર્કે પાર્ટનર શોધવા DatingMark.co.uk વેબસાઈટ પણ બનાવી છે. આ વેબસાઈટમાં તેણે પોતાના વિશે લખ્યું છે.માર્ક માર્કેટિંગ ફિલ્ડમાં નોકરી કરે છે. તેણે કહ્યું કે, મારા બિલબોર્ડના આઈડિયા પણ ઘણા લોકો વિચારે છે કે પાર્ટનર શોધવા ૪૦ હજાર રૂપિયા ખર્ચવા વ્યર્થ છે. પણ મારું માનવું છે કે, જો મને ગમતી પાર્ટનર મળી જશે તો આ રકમ કંઈ જ નથી. જો કે માર્કનો આઈડિયા સફળ રહ્યો અને અત્યાર સુધી 2200 છોકરીએ માંગુ નાખ્યું છે. હવે જોવાનું તે રહેશે કે માર્ક કોને પસંદ કરશે.