વડોદરા / પગ લપસતા ઢાઢર નદીમાં પડેલા યુવકને ખેંચી ગયો મગર, મજધારે મૃતદેહને લઇને ફરતો રહ્યો મગર, સોખડારાધુ ગામની ઘટના

• વડોદરામાં પાદરાવા સોખડારાઘુ ગામની ઘટના
• સોખડારાઘુના 30 વર્ષીય યુવાનનો મગરે કર્યો શિકાર
• ગ્રામજનો મોટી સંખ્યામાં નદી કિનારે ઉમટ્યા 

વડોદરા જિલ્લાના પાદરાવા સોખડારાઘુ ગામમાં કાળજું કંપાવી દે તેવી ઘટના સામે આવી છે. જેમાં ઢાઢર નદીમા અકસ્માતે પડેલા યુવાનને મગર તાણી ગયો હતો. સોખડારાઘુના 30 વર્ષીય યુવાન ઇમરાન દિવાન નદી કિનારા નજીકથી પસાર થઇ રહ્યું હતો આ દરમિયાન પગ લપસી જતા યુવાન નદીમાં ખબક્યો હતો. જેં દરમિયાન અચાનક નદીમાં મગર ઘસી આવ્યો હતો અને મગરએ યુવાન પર હુમલો કર્યો હતો. 

ઇમરાન દિવાન નદીમાં પડતા મગરે કર્યો શિકાર
યુવાને મગરની ચુંગલમાંથી બહાર નિકળવા જીવનના છેલ્લા શ્વાસ સુધી પ્રયાસ કર્યા હતા છતાં તેંને સફળતા મળી ન હતી અને અંતે યુવાને જીવ ગુમાવ્યો હતો. આ ઘટના અંગે જાણ થતાં ગ્રામજનો મોટી સંખ્યામાં ઉમટી પડ્યા હતા. આ દરમિયાન સતત બે કલાક સુધી મગર નદીમાં યુવાનના મૃતદેહને લઈને ફરતો જોવા મળ્યો હતો. આ અંગે સ્થાનિક લોકોએ તેનો વીડિયો ઉતારીને વાઇરલ કર્યો હતો. ત્યારબાદ સ્થાનિકોએ ફાયર બ્રિગેડને આ ઘટના અંગે જાણ કરી હતી. ત્યારબાદ ફાયર બ્રિગેડની ટીમે મારતે ઘોડે દોડી જઈ મૃતદેહની શોધખોળ શરૂ કરી હતી.