પર્દાફાશ / અમદાવાદમાં બે બાળકનો પિતા ત્રીજા લગ્ન કરે તે પહેલા ભાંડો ફૂટ્યો, આ રીતે રમતો હતો લગ્નની રમત

• લંપટ પતિની કરતૂતોનો ખુલ્યો ભાંડો
• અન્ય યુવતી સાથે લગ્ન કરવા જતાં ફૂટ્યો ભાંડો
• ખોટા ડોક્યુમેન્ટથી કરતો હતો લગ્ન

 અમદાવાદના યુવક એક -બે પછી ત્રીજા લગ્ન માટેની તૈયારીઓ કરી રહ્યો હતો. પરંતુ ત્રીજા લગ્ન કરે તે પહેલાં જ લંપટ પતિનો અસલી ચેહરો સામે આવી ગયો. પહેલી પત્નીએ વસ્ત્રાપુર પોલીસ સ્ટેશનમાં પતિ વિરુદ્ધ છેતરપીંડિની ફરિયાદ નોંધાવી અને ધરપકડ કરવામાં આવી છે.

સમગ્ર ઘટનામાં વસ્ત્રાપુરમાં રહેતા અને મૂળ જૂનાગઢના રાધાબહેને લંપટ પતિ રાજેશ વિરુદ્ધ ફરિયાદ નોંધાવી છે. 14 ડિસેમ્બર 1999ના રોજ રાજેશે ખોટા ડોક્યુમેન્ટ ઉભા કરીને તેની સાથે લગ્ન કર્યા હતા. 21 વર્ષના લગ્ન જીવનમાં તેઓના બે સંતાન પણ છે. ખોટા ડોક્યુમેન્ટ આધારે 21 વર્ષનો જીવન ગાળો હોવા છતાં લંપટ પતિ રાજેશ ત્રીજી યુવતી સાથે લગ્ન કરવા પ્લાન કરી રહ્યો હતો. 

લંપટ પતિ રાજેશ થાનકીની અસલી કરતૂતો વાત કરવામાં આવે તો, ખોટા ડોક્યુમેન્ટ આધારે જૂનાગઢની રાધા નામની યુવતી સાથે 1999માં લગ્ન કર્યા હતા. જે બાદ લંપટ પતિ રાજેશએ ઇન્દોરમાં રહેતી પ્રિયંકા નામની યુવતી જે આરોપી રાજેશના ઉંમરથી 10 વર્ષ નાની યુવતીને ખોટા ડોક્યુમેન્ટ આધારે લગ્ન કરી લીધા હતા. જેમાં રાહુલ દવે નામ ખોટા ડોક્યુમેન્ટ બનાવી લગ્ન કરી લીધા.  ત્યાર બાદ ત્રીજી યુવતીને ફસવાનો પ્રયત્ન કર્યો હતો. જેમાં જબલપુર રહેતી ગરિમા નામની યુવતીને મેટ્રો મોનિયલ સાઇટ પર લંપટ રાજેશ ખોટા ડોક્યુમેન્ટ પરથી લગ્ન કરવા સંપર્ક કર્યો.

આ યુવતીએ તપાસ કરતા રાજેશ અગાઉથી પરિણીત હોવાનું ખુલતા તેને લગ્ન કરવાનું ટાળ્યું અને રાજેશની પ્રથમ પત્નીનો સંપર્ક કરી આ બાબતની જાણ કરી. રાધાબહેને વધુ તપાસ કરી તો, પતિના બીજા બે લગ્નનો પણ ભાંડો ફૂટ્યો. જેથી ફરિયાદ નોંધતા ચોકવાનારી ઘણી હક્કીતો સામે આવી છે. ઉલ્લેખનિય છે કે પોલીસ તપાસમાં પતિ રાજેશના પર્સમાંથી રાહુલ દવે નામનું લાયસન્સ અને પાન કાર્ડ મળ્યું. સાથે પ્રિયંકા રાહુલ દવે નામના ડોક્યુમેન્ટ મળ્યા છે. જે આધારે પોલીસ રિમાન્ડ મેળવી વધુ તપાસ કરી રહી છે.