ટિકટોક તો તમે જાણતા જ હશો. આજ કાલ યુવાનોથી લઈને વૃદ્ધો સુધી તમામ લોકો ટિકટોકના દિવાના થઈ ગયા છે. તો તેમાં સરકારી અધિકારીઓ પણ બાકાત નથી. પણ છેલ્લા કેટલાક દિવસથી પોલીસ અધિકારીઓ પણ ટિકટોકના દિવાના થયા છે. તેમાં પણ કેટલાક પોલીસકર્મીઓ પોલીસ વર્દીમાં અને ઓન ડ્યુટીમાં ટિકટોકમાં વીડિયો બનાવી રહ્યા છે. ત્યારે વધુ એક ટિકટોક વીડિયો એવો સામે આવ્યો છે તેમાં પોલીસના વાહનનો ઉપયોગ કરવામાં આવ્યો છે. ત્યારે આ વીડિયો વાયરલ થતાં તપાસના આદેશ આપવામાં આવ્યા છે.
આજે દુનિયાભરમાં ટિકટોક પોતાના શોર્ટ વીડિયો માટે ખૂબ પ્રચલિત બન્યું છે. નાના બાળકોથી માંડીને મોટી ઉંમરના લોકોમાં આ એપનો ઉપયોગ વધી રહ્યો છે. જો કે, લોકો પોતાના આનંદની લાગણી વ્યક્ત કરવા માટે કે પછી દર્દને વ્યક્ત કરવા માટે આ એપનો ઉપયોગ કરી રહ્યા છે. પરંતુ ટીકટોક પરના વીડિયોના કારણે વિવાદ સર્જાવા લાગ્યા છે. કારણ એ છે કે, કે ટીકટોક પર કોણ, ક્યારે, કઇ જગ્યાએ અને શું અભિવ્યકત કરે છે તેના પર વિવાદની તીવ્રતાનો આધાર છે.
ત્યારે રાજકોટ પોલીસની ગાડી સાથે ટિકટોકનો વીડિયો વાયરલ થયો છે. ત્યારે હવે આ મામલે DCP ઝોન-1ના રવિ મોહન સૈનીએ તપાસના આદેશ આપ્યા છે. વીડિયોમાં દેખાતા કોન્સ્ટેબલ અને શખ્સ સામે તપાસના આદેશ અપાયા છે. ટિકટોકમાં રાજકોટ પોલીસના વાહનનો ઉપયોગ કરવામાં આવ્યો છે. પ્રજા માટે પેટ્રોલિંગ કરતી પોલીસની ગાડીનો ટિકટોકમાં ઉપયોગ કરાયો છે. આ વીડિયોમાં પોલીસની ગાડી પર યુવાન બેસેલો જોવા મળી રહ્યો છે. હાલમાં આ વીડિયો સોશિયલ મીડિયામાં ખુબ જ વાયરલ થઈ રહ્યો છે.
મહત્વનું છે કે ટિકટોક ડ્યુટી પર ટિકટોક વીડિયો ઉતારી રહેલા કેટલાક પોલીસકર્મીઓને સસ્પેન્ડ પણ કરવામાં આવ્યા છે. જોકે હવે મહેસાણાના DYSP મંજીતા વણઝારાનો પણ વીડિયો સામે આવ્યો છે. જોકે તે સિવિલ ડ્રેસમાં દેખાઈ રહ્યા છે. ત્યારે આ મામલે ગૃહ મંત્રાલયે પણ નોંધ લીધી છે. પોલીસ વર્દીમાં કોઈ વીડિયો ન બનાવવામાં આવે તે માટે એક એડવાઈઝરી પણ જાહેર કરવામાં આવી શકે છે.