અમદાવાદઃ જો તમે ટ્રેનના દરવાજે બેસીને મોબાઈલમાં મશગુલ હો અથવા મોબાઈલમાં ગેમ રમતા હો તો ચેતી જજો. કારણ કે તેના લીધે તમારો જીવ પણ ગુમાવવો પડી શકે છે. ટ્રેનના દરવાજે બેસીને મોબાઈલમાં ગેમ રમતા યુવાને જીંદગી ગુમાવી પડી. ગીરધરનગર બ્રીજ પાસે ટ્રેન ધીમી પડી ત્યારે લુટારુએ મોબાઈલ ઝૂંટવી લીધો હતો.
યુવાન પોતાના મોબાઈલ બચાવવાના પ્રયાસમાં ટ્રેનના પૈડા નીચે આવી જતા પોતાની જીંદગી ગુમાવી હતી. ટ્રેનમાં જોખમી રીતે મુસાફરી કરનાર લોકો માટે લાલબત્તી સમાન કિસ્સો બન્યો છે. રેલ્વે પોલીસે આરોપીની ધરપકડ કરી હતી.
યુવકનું નામ સાહિલ છે જે ઉતરપ્રદેશથી અમદાવાદ તારીખ ૧૯ના રોજ આવતો હતો. તેમજ તે ટ્રેનના જનરલ ડબ્બામાં મુસાફરી કરતો હતો. સાહિલ ટ્રેનના દરવાજે બેસીને મોબાઈલમાં ગેમ રમતો હતો. ટ્રેન શાહીબાગના ગિરધરનગર બ્રીજ પાસેથી ધીમી ગતિએ પસાર થઇ રહી હતી.
તે દરમ્યાન આરોપીએ સાહિલના હાથમાં રહેલ મોબાઈલ લુટી લીધો હતો. પોતાના હાથમાં રહેલ મોબાઈલને બચાવવા સાહિલે પ્રયાસ કર્યો. મોબાઇલ બચાવવાના પ્રયાસના કારણે તે ટ્રેનના પૈડા નીચે આવી ગયો હતો. આમ સાહિલે પોતાનો જીવ ગુમાવ્યો. હાલ તો પોલીસે આરોપીની ધરપકડ કરી છે. પરંતુ આ બનાવ તમારી સાથે ન બને તે માટે Vtv અપીલ કરે છે. ચેતી જજો...