અમદાવાદના નવા નરોડામાં હનીટ્રેપનો કિસ્સો સામે આવ્યો છે. મોડેલ યુવતી અને તેની માતાએ બળાત્કારની ફરિયાદ નહીં કરવા યુવકના પિતા પાસે રૂ. 10 લાખ માંગ્યા છે. આ સમગ્ર મામલો કૃષ્ણનગર પોલીસ સ્ટેશન પહોંચતા પોલીસે હનીટ્રેપની ફરિયાદ નોંધાઇ છે. જ્યારે સામા પક્ષે યુવતીની બળાત્કારની ક્રોસ ફરિયાદ નોંધીને તપાસ શરૂ કરી. યુવકના પિતાએ યુવતી અને તેની માતાએ હનીટ્રેપમાં ફસાવીને પૈસા પડાવવાનો ષંડયત્રનો આક્ષેપ કર્યો છે.
સોશિયલ મિડીયામા યુવકને પ્રેમજાળમાં ફસાવ્યો
મોડેલ યુવતી અને તેની માતાનું કારસ્તાન
મોડેલ યુવતીએ દુષ્કર્મનો આક્ષેપ કરતા પોલીસે નોંધી ફરિયાદ
સોશિયલ મિડીયામાં કોઇપણ અજાણી યુવતી સાથે ચેટિંગ કરતા પહેલા દસ વખત વિચાર કરજો કે તે તમને હનીટ્રેપનો શિકારતો નથી બનાવી રહીને. તાજેતરમાં હનીટ્રેપના અંસખ્ય કિસ્સાઓ સામે આવ્યા છે ત્યારે વધુ એક કિસ્સો નવા નરોડા ખાતે બન્યો છે. જેમાં મોડેલ યુવતીએ પોતાની સુંદરતાની માયાજાળમાં યુવકને ફસાવીને દસ લાખ રૂપિયા યુવકના પિતા પાસે માંગ્યા હતા.
ઇન્સ્ટાગ્રામથી મોડેલ યુવતી અને વિશાલ સંપર્કમાં આવ્યા હતા
આ ઘટના કંઈક એવી છે કે કૃષ્ણનગર વિસ્તારમાં રહેતો અને ગારમેન્ટનો ધંધો કરતો વિશાલ નામનો યુવક કેનેડા એરલાઇન્સ એવીએશનનો અભ્યાસ કરવા માટે કેનેડા ગયો હતો. જ્યાં નવેમ્બર 2019માં ઇન્સ્ટાગ્રામમાં તેનો સંપર્ક નવા નરોડામાં રહેતી અને મોડેલિંગનું કામ કરતી યુવતી સાથે થયો હતો. બન્ને એકબીજા સાથે ઈસ્ટાગ્રામથી ચેટિંગ કરતા હતા. આ મોડલ પોતાની સંબંધીને મળવા દુબઈ ગઇ હતી. જ્યારે યુવકની માતાની તબીયત ખરાબ થતા તે અમદાવાદ પરત આવતો હતો. આ દરમ્યાન બન્ને પ્રથમ વખત દુબઈમાં મળ્યા હતા. બન્ને વચ્ચે પ્રેમસંબંધ શરૂ થયો હતો. ત્યારબાદ લોકડાઉન થતા આ બન્ને એકબીજાની વધુ નજીક આવ્યા હોવાનુ ખુલ્યુ હતુ. અમદાવાદમાં આવ્યા બાદ બન્ને સંમતિથી શારીરિક સંબંધ બનાવ્યા હતા.
10 લાખ રૂપિયા આપ નહીં તો બળાત્કારની નોંધાવીશ ફરિયાદઃ યુવતીની માતા
ત્યારબાદ યુવતી અને તેની માતાએ યુવકને બ્લેકમેઈલ કરવાનુ શરૂ કર્યુ હતું. તેના પિતા પાસેથી 10 લાખ રૂપિયાનીં માંગ કરી હતી. નહીં તો બળાત્કારની ફરીયાદ નોંધાવીની ધમકી આપી હતી. આ બ્લેકમેઈલીંગથી કંટાળીને યુવકના પિતાએ કુષ્ણનગર પોલીસનો સંપર્ક કરીને માતા-પુત્રી વિરૂધ્ધ ફરિયાદ નોંધાવી છે.
યુવકના પિતાએ મોડેલ યુવતીની માતાનો ઓડિયો પોલીસમાં રજૂ કર્યો
ત્યારે બીજી તરફ યુવતીએ આક્ષેપ કર્યો છે કે વિશાલે લગ્ન કરવાનો વિશ્વાસ આપીને લગ્ન માટે ના પાડી દીધી હતી. જેથી યુવતીએ પણ ક્રોસમાં બળાત્કારની ફરિયાદ નોંધાવી છે. સૌથી ગંભીર બાબત એ સામે આવી છે કે મોડેલ યુવતીની માતા રૂ.10 લાખની માંગણી કરતી હોવાનો ઓડિયો વિશાલના પિતાએ પોલીસ સમક્ષ રજૂ કર્યો હતો. જેથી પોલીસે બન્ને પક્ષે ફરિયાદ નોંધીને તપાસ શરૂ કરી છે.
માતા-પુત્રી અને વિશાલની અટકાયત કરાઇ
હનીટ્રેપ અને બળાત્કારના આક્ષેપની ફરિયાદમાં કૃષ્ણનગર પોલીસે માતા-પુત્રી અને દુષ્કર્મ કેસમાં વિશાલની અટકાયત કરી છે. યુવતીનુ મેડીકલ તપાસ અને તમામ આરોપીઓના કોવિડ ટેસ્ટ કરવામા આવ્યા હતા. કૃષ્ણનગર પોલીસે બન્ને પક્ષના આક્ષેપોમાં કોણ સાચુ છે અને કોણ ખોટુ? તેને લઈને પુરાવા એકઠા કરવાની કાર્યવાહી શરૂ કરી છે.