ગીર સોમનાથ ખાતે રહેતા પરિવારની દીકરીને ઓસ્ટ્રેલિયાનો યુવાન પરણવા આવ્યો હતો જેના ખાનગી રિસોર્ટમાં હિન્દુ રીત રિવાજ મુજબ લગ્ન યોજાયા હતા.
ગીર સોમનાથમાં ઓસ્ટ્રેલિયાથી આવી જાન
ખાનગી રિસોર્ટમાં યોજાયો લગ્ન સમારોહ
હિન્દુ રીત રિવાજ મુજબ લગ્નનું આયોજન
ગુજરાતનું સાસણ ગીર કુદરતી સોંદર્ય અને સિંહ દર્શન માટે વિશ્વ વિખ્યાત છે. સિંહ દર્શન માટે વિદેશથી પણ લોકો મોટી સંખ્યામાં મુલાકાત લેવા આવે છે. ત્યારે પ્રથમ વખત એવું બન્યું હતું કે ઓસ્ટ્રેલિયન યુવાન સિંહ દર્શન માટે નહિ પરંતુ ગીરમાં પરણવા આવ્યો હતો. ઓસ્ટ્રેલિયન યુવાનના હિન્દુ રીત રિવાજ મુજબ મૂળ માંગરોળના નાગર પરિવારની દીકરી નમીને રંગે ચંગે લગ્ન થયા હતા.
હિન્દૂ સંસ્કૃતિ મુજબ થયા લગ્ન
ગુજરાતી અને જુનાગઢ જિલ્લાના માંગરોળ ગામના મૂળ રહીશ દિગેનભાઈ નાગર કે જેઓ છેલ્લા ઘણા વર્ષોથી ઓસ્ટ્રેલિયામાં રહે છે. દિગેનભાઈની પુત્રી "નમી" હતું તેમનું સગપણ ઓસ્ટ્રેલિયા મૂળના "ટોબન" નામના યુવક સાથે થયૂ હતું બંને પરિવારોમાં આ સગાઈનો અનેરો આનંદ હતો. સગપણ બાદ દીગેનભાઈ નાગરે એવી ઈચ્છા વ્યક્ત કરી હતી કે, અમે ગુજરાતી છીએ તો અમને એવી અપેક્ષા છે કે નમી અને ટોબન બંનેના લગ્ન હિંદુ પરંપરા અને વિધિથી ગુજરાતમાં થાય આ વાતનો ટોબનના પરિવારે સ્વીકાર કર્યો હતો
વરરાજા સહિત 20 જેટલા ઓસ્ટ્રેલિયાના મહેમાનો જાન લઈને આવ્યા
મકરસંક્રાંતિ બાદ શુભ મુહુર્તમાં નાગર પરિવાર દ્વારા ઑસ્ટ્રેલિયન મૂળના વરરાજા ટોબનને કંકોત્રી લખી નિમંત્રણ અપાયૂ અને વરરાજા સહિત 20 જેટલા ઓસ્ટ્રેલિયાના મહેમાનો જાન લઈને આવ્યા હતા. ગીરમાં આવેલા ખાનગી રિસોર્ટમાં વરરાજાના લગ્ન યોજાયા હતા.
વરરાજા ટોબન ઘોડા પર ચડી અને મંડપે આવ્યો
ઓસ્ટ્રેલિયાથી આવેલી જાનના લોકો કે લગ્નની વિધિમાં વધુ સમજતા ન હતા. પરંતુ ગુજરાતી પરંપરાને અનુસર્યા જરૂર હતા. વરરાજા ટોબન તો ઘોડા પર ચડી અને મંડપે આવ્યો હતો. અને તેણે પીઠી પણ લગાવી હતી. કન્યા નમી સાથે ટોબન સહિત ઓસ્ટ્રેલિયાથી આવેલા મહેમાનો સૌ ગુજરાતી રાસ ગરબામાં જુમી ઉઠ્યા હતા. તો મંડપની અંદર હસ્તમેળાપ, મંગલ ફેરા, સહિત તમામ હિન્દુ વિધિ પૂર્ણ કરી હતી, ઓસ્ટ્રેલિયાના ટોબન અને નમી બંને પરિવારોની હાજરીમાં હિન્દુ વિધિથી લગ્નગ્રંથિથી જોડાયા હતા. અને બંને પરિવારોના આનંદ ની અનૂભૂતી જોવા મળી હતી..