ગુજરાતમાં યુવાનોને નશાની લત લગાડવા માટે મુંબઈ જેવા શહેરોમાંથી ડ્રગ્સ આવી રહ્યું છે ત્યારે અમદાવાદ વેજલપુરમાં પણ એક યુવાનનું ડ્રગ્સના કારણે મોત થયાની આશંકા, પોલીસે તપાસ હાથ ધરી
વેજલપુરમાં યુવકના શંકાસ્પદ મૃત્યુનો મામલો
મૃત્યુનું કારણ જાણવા FSLની મદદ
પરિવારે વ્યક્ત કરી હત્યાની આશંકા
અમદાવાદના વેજલપુરમાં યુવકના શંકાસ્પદ મૃત્યુના મામલે MD ડ્રગ્સને લઈ તપાસ હાથ ધરી છે. પોલીસે મૃત્યુનું કારણ જાણવા FSLની મદદ લીધી છે. સલમાન નામના યુવકનું MD ડ્રગ્સના લીધે મૃત્યુ થયું હોવાનું સામે આવ્યું હતું. અને મોત અગાઉ યુવક 2 યુવતી સાથે હોટલમાં ગયો હતો. મૃત્યુનું કારણ MD ડ્રગ્સ છે કે અન્ય તેની તપાસ શરૂ કરાઈ છે. મૃતક યુવાનના પરિવારે હત્યાની આશંકા જાહેર કરી છે.
અમદાવાદના વેજલપુરમાં રહેતા પરિવારના દિકરાની મોતને લઈ અનેક વાત સામે આવી રહી છે. જેમાં એક અન્ય વાત પણ સામે આવી છે. મૃતકના પ્રાઈવેટ પાર્ટમાં ફેવિક્વિક લગાવી હોવાનું સામે આવ્યું છે. અને યુવકને કચરાના જથ્થા નજીક ફેંકી દેવામાં આવ્યો હતો.
ગંભીર હાલમાં મિત્ર સલમાનને ઘરે લઈ આવ્યો હતો
મૃતક સલમાનની ઉંમર 29 વર્ષ હતી. અને પરિવારનો એકને એક દિકરો હતો. આ સાથે સલમાન પર પરિવારના સભ્યોની જવાબદારી પણ હતી. સાથે ઘરની રોજીરોટી પણ સલમાન પર આધારીત હતી. અને એક દિવસ અચાનક સલમાનને તેનો મિત્ર ખરાબ હાલમાં ઘરે લાવ્યો હતો. અને તેને જોઈ પરિવાર પણ ચિંતામાં મૂકાઈ ગયો હતો. સલમાનને શું થયું હતું. તેની ખબર પડી રહી નહોતી. ત્યારે સાથે આવનારા મિત્રએ કહ્યું કે, MD ડ્રગ્સ લીધું છે. અને જ્યારે નશો ઉતરશે તો આપોઆપ ઠીક થઈ જશે. મિત્રની વાત માની પરિવારે સારા થવાની રાહ જોઈ હતી. પણ અંતે સલમાનનું મોત થયું છે.