આત્મહત્યા / સુરતમાં સોશિયલ મીડિયા પર ધમકી મળતા યુવકે કરી લીધો આપઘાત, કારણ જાણી આપ પણ દંગ રહી જશો 

• સુરતના ભેંસાણમાં યુવકનો આપઘાત
• અશ્લીલ વીડિયો વાયરલ કરવાની મળી હતી ધમકી
• સોશિયલ મીડિયામાં ધમકી મળતા યુવકે કર્યો આપઘાત

આજે માહિતી અને સોશિયલ મીડિયાના યુગમાં અનેક એવા ચોંકાવનારા કિસ્સા સામે આવતા હોય છે ત્યારે સુરતમાં એવો જ એક કિસ્સો સામે આવ્યો છે ભેંસાણ ગામે યુવકને સોશિયલ મીડિયા પર ધમકી મળતા યુવકે આપઘાત કરી લેતા ચકચાર મચી ગયો છે. 

સુરતમાં ભેંસાણના યુવકનો આપઘાત

ભેંસાણ રોડ પર મેડિકલ કોલેજ પાસે રહેતા યુવકને બિભત્સ ફોટો અને યુવતીઓ સાથે કરેલ ચેટ વાયરલ કરવાની ધમકી મળી હતી અને યુવક પાસે પૈસાની માંગ કરવામાં આવી હતી..જે બાદ યુવકે ધમકી આપનારને કેટલાક રૂપિયા પણ આપ્યા હતા, પરતું યુવક પાસે વધુ રૂપિયાની માંગ કરવામાં આવતા યુવકે આત્મહત્યા કરી લીધી હતી.

અશ્લીલ વીડિયો વાયરલ કરવાની મળી હતી ધમકી

મહત્વનું કે સોશિયલ મીડિયા પર અવાર નવાર ધમકી આપવાના અને હેરાન કરવાના કિસ્સા બનતા હોય છે, ત્યારે યુવકને સોશિયલ મીડિયા પર કોઈ યુવતીના એકાઉન્ટથી ધમકી મળી હતી, જેમાં તેને બિભત્સ ફોટો અને યુવતીઓ સાથે કરેલ ચેટ વાયરલનું કહેવાયું હતું, અને રૂપિયાની માંગ કરાઈ હતી... જો રુપિયા નહીં આપતે તો વ્હોટ્સ એપ પર તમામ વીડિયો અને ફોટો વાયરલ કરવાની ધમકી મળતા યુવકે આપઘાત કરી લીધો હતો..

સોશિયલ મીડિયામાં ધમકી મળતા યુવકે કર્યો આપઘાત

મળતી માહિતી મુજબ આ યુવક એક ઓનલાઈન શોપીંક કંપનીમાં કોમ્યુટર ઓપરેટર તરીકે કામ કરતો હતો અને આપઘાત પહેલા યુવકે બ્લેકમેલ કરનારને મોકલ્યા હતા ફોટો હતા,  એટલું જ નહીં યુવકે વ્હોટ્સ એપ પર ક્લિપ વાયરલ ન થાય તે માટે 20 હજાર ચૂકવ્યા હતા જોકે યુવક પાસે વધુ રૂપિયાની માંગ કરવામાં આવતા યુવકે ઘરમાં જ ગળેફાંસો ખાઈને આપઘાત કરી લીધો હતો. યુવકના અંતિમ સંસ્કાર બાદ તેનો મોબાઇલ ચેક કરતા સમગ્ર મામલો સામે આવ્યો હતો..સમગ્ર મામલે પોલીસમાં ફરિયાદ નોંધાતા પોલીસ દ્વારા યુવકના આપઘાત મામલે તપાસ હાથ ધરવામાં આવી છે.