યુપીના એક ગામમાં પત્નીના રોજ રોજના ઝઘડાથી પરેશાન યુવક 100 ફુટ ઉંડા તાડના ઝાડ પર ચડી ગયો. એક મહિનાથી આ શખ્સ ત્યાં જ રહે છે.
ઉત્તર પ્રદેશમાંથી અજીબોગરીબ કિસ્સો સામે આવ્યા
પત્નીના રોજ રોજના ઝઘડાથી કંટાળી પતિ ઝાડ પર રહેવા લાગ્યો
એક મહિનાથી ઝાડ પર રહે છે આ શખ્સ
ઉત્તર પ્રદેશના મઉ જિલ્લામાંથી એક અજીબોગરીબ મામલો સામે આવ્યો છે. અહીં કોપાગંજ પોલીસ સ્ટેશન વિસ્તારમાં આવતા બસારથપુર ગામમાં પત્નીના રોજ રોજના ઝઘડાથી પરેશાન યુવક 100 ફુટ ઉંડા તાડના ઝાડ પર ચડી ગયો. એક મહિનો થઈ ગયો, પણ તે શખ્સ નીચે ઉતરવાનુ નામ નથી લેતો. ગામ લોકો અને પરિવારના લોકો નીચે ઉતારવાની કોશિશ કરી રહ્યા છે, પણ તે ઉપરથી પથ્થર ફેંકી લોકો પર હુમલો કરી દે છે.
વિગતો મળતા પોલીસે પણ તેને નીચે ઉતારવાની કોશિશ કરી, પણ આ શખ્સ નીચે ઉતરવાનું નામ નથી લેતો. આખરે પોલીસ પણ થોડીઘણી મહેનત કરીને જતી રહી. આ યુવકના પિતા બિશુનરામે જણાવ્યું છે કે, તેની વહુ ઘરમાં રોજ ઝઘડા કરી રહી છે. આ ઝઘડા કેટલીય વાર મારપીટ સુધી પહોંચી ગયો હતો. તેનાથી હેરાન પરેશાન થઈને તેમનો દિકરો રામ પ્રવેશ એક મહિના પહેલા નજીકમાં જ આવેલા તાડના ઝાડ પર ચડી ગયા હતા. તે મોડી રાતે ખાલી નિત્યકર્મ માટે નીચે ઉતરે છે. નિત્યકર્મ પતાવ્યા બાદ પોતાના થેલામાં થોડી ઈંટો લઈને પાછો ઝાડ પર ચડી જાય છે.
તેમણે જણાવ્યું છે કે, તે ઝાડ પર ભોજન કરે છે. તેના માટે પરિવારના લોકો દરરોજ સમયસર ઝાડ પાસે જાય છે અને ભોજન તથા પાણી પહોંચાડે છે. પરિવારના લોકોને જોઈને તે દોરડુ નીચે ફેંકે છે અને દોરડા દ્વારા ભોજન તથા પાણી ઉપર ખેંચી લે છે. એક મહિનાથી રામપ્રવેશ આ પ્રકારે જીવન જીવી રહ્યો છે. સ્થાનિક લોકોનું કહેવુ છે કે, જ્યારે તેને કોઈ સમજાવવા જાય છે, તો તે ઉપરથી પથ્થર અને ઈંટ ફેંકે છે. તેને લઈને ગામના લોકો પણ હવે તેની નજીક જવાનું નામ નથી લેતા.
ગામની મહિલાઓમાં આક્રોશ
ગામની અંદર તાડનું ઝાડ ઉપર હોવાથી લગભગ ગામના તમામ ઘરોના આંગણા દેખાય છે. ગામની મહિલાઓનો આરોપ છે કે, ઝાડ ઉંચે હોવાથી રામપ્રવેશ દરેક ઘરના આંગણામાં જે પણ થાય છે તે જોઈ રહે છે. તેનાથી મહિલાઓમાં ખુબ ગુસ્સો છે. મહિલાઓએ સરપંચને ફરિયાદ પણ કરી છે. તેને તાત્કાલિક ઝાડ પરથી નીચે ઉતારવાની માગ કરી છે.
પોલીસ આવી, વીડિયો બનાવીને ચલાવી ગઈ
સરપંચની સૂચના પર પોલીસ પણ રામપ્રવેશને નીચે ઉતારવા આવી પહોંચી. ઘણી વાર સુધી સમજાવવા માટે પ્રયાસ કર્યો, પણ સફળતા મળી નહીં. પોલીસે થોડી ઘણી મહેનત કરી અને ગામલોકો સાથે વાત કરી વીડિયો ઉતારી ચાલી ગઈ. ગામલોકોએ પોલીસને ઉચ્ચ અધિકારીઓ સાથે મળીને સમાધાન કાઢવા માટે વાત કરી છે.