અમદાવાદમાં માતા પિતા માટે લાલબંત્તી સમાન કિસ્સો સામે આવ્યો, ઓનલાઇન ભણતી સગીરાએ પોતાના ગુપ્ત ભાગના ફોટો સોશિયલ મીડિયામાં પોસ્ટ કર્યા, માતા-પિતાને સમગ્ર મામલે જાણ થતા હાર્ટ-એટેક આવ્યો
સગીરાએ પ્રાઈવેટ પાર્ટના ફોટા કર્યા અપલોડ
આ કૃત્યથી માતા-પિતાને આવ્યો હાર્ટ અટેક
માતા-પિતાએ મહિલા હેલ્પલાઈનની લીધી મદદ
અમદાવાદમાં ઓનલાઈન અભ્યાસનો વધુ એક ચોકાવનારો કિસ્સો સામે આવ્યો છે. જેમાં એક સગીરા અભ્યાસ કરવાના બહાને રૂમમાં એકલી રહીને પોતાના ગુપ્ત ભાગના ફોટો સોશિયલ મિડીયામાં અપલોડ કરતી હતી. આ સાથે તે પોતાની માસીની દીકરીને પણ આવું કરવા જણાવતી હતી. જે વાતની જાણ સગીરાના માતા-પિતાને થતાં જ બંનેને હાર્ટ-એટેક આવી ગયો હતો. આ મામલે માતાની સમજાવટ બાદ પણ સગીરાએ આ હરકતો ચાલુ રાખતાં માતાએ દીકરીને સમજાવવા મહિલા હેલ્પલાઇન અભયમ્ 181ની મદદ લીધી હતી.
સગીરાએ ન્યૂડ વીડિયો કર્યા અપલોડ
અમદાવાદના મણિનગર વિસ્તારમાં એક સગીરા તેનાં માતા-પિતા સાથે રહે છે. કોરોનાને કારણે ઓનલાઇન અભ્યાસ ચાલુ થયો હતો. જેથી તેને એક મોબાઈલ ફોન લઇ આપ્યો હતો. તેને અભ્યાસમાં તકલીફ ન પડે એના માટે એક પર્સનલ રૂમ પણ આપ્યો હતો. ધીરે ધીરે અભ્યાસ કરવાની જગ્યાએ ફોનનો તેણે દુરુપયોગ શરૂ કર્યો હતો. એકલતાનો લાભ લઈને સગીરા રૂમમાં પોતાના ગુપ્ત ભાગના ફોટો પાડતી હતી. ધીમે ધીમે તેને આવી પ્રવૃત્તિમાં રસ પડતાં તેણે ન્યૂડ વીડિયો બનાવવાના શરૂ કર્યા હતા અને પોતાના ઇન્સ્ટાગ્રામ પર અપલોડ કરવાના શરૂ કર્યા હતા. એને કારણે તેની પોસ્ટ પર લોકોની ગંદી કોમેન્ટ પણ આવવા લાગી હતી. સગીરાને આ રીતે કરવા મજા આવવા લાગી હતી.
સગીરાએ પ્રાઈવેટ પાર્ટના ફોટા કર્યા અપલોડ
સગીરાએ પોતાની માસીની દીકરી સાથે આ વાત જણાવતા અને તેને પણ આ રીતે ગુપ્ત ભાગના ફોટોઝ પાડીને ન્યૂડ વીડિયો બનાવી ઇન્સ્ટાગ્રામ પર અપલોડ કરવા કહ્યું હતું. માસીની દીકરીએ આ રીતે ગંદી હરકતો કરવાનું કહેતાં તેણે પોતાનાં માતા-પિતાને જાણ કરી હતી જે બાદ સમગ્ર મામલે સગીરાના પરિવારને આ મામલે જાણ કરવામાં આવી આવતા પોતાની દિકરીની આવી હરકતો સાંભળી માતા-પિતાને હાર્ટ એટેક આવી ગયો હતો. તેમણે સગીરાને ખૂબ સમજાવી હતી, પરંતુ થોડા દિવસ બાદ ફરીથી તેણે પોતાની આવી હરકતો શરૂ કરી દીધી હતી. સગીરાએ આવી હરકતો બંધ ન કરતાં તેમણે મહિલા હેલ્પલાઇન અભયમ્ 181ની મદદ લીધી હતી.
માતા-પિતાએ મહિલા હેલ્પલાઈનની લીધી મદદ
મહિલા હેલ્પલાઇનની ટીમે સગીરાના ઘરે જઈ તેનું કાઉન્સેલિંગ કર્યું હતું. તેને સાયબર ક્રાઈમ અને ચાઈલ્ડ હેલ્પલાઇન વિશે માહિતી આપી આવી હરકતો ન કરવા સમજાવી હતી. દીકરીની હરકતોને જોઈ માતા-પિતાએ તેને રાખવાની ના પાડી દીધી હતી. જેથી તેને ચિલ્ડ્રન હોમ્સ વિશે જણાવ્યું હતું. સગીરાને પોતાની કરેલી હરકતોથી પસ્તાવો થયો હતો અને પોતાનું ઇન્સ્ટાગ્રામ એકાઉન્ટ ડિલિટ મારી દીધું હતું. જ્યાં સુધી પોતાનાં માતા-પિતા ન કહે ત્યાં સુધી મોબાઈલ નહીં વાપરે. માતાની હાજરીમાં જ મોબાઈલથી ઓનલાઇન અભ્યાસ કરશે એવી તેણે બાહેંધરી આપી હતી. આમ, હેલ્પલાઇનની ટીમે સગીરાને સેક્સ્યૂઅલ પ્રવૃત્તિ અને સાયબર ક્રાઈમનો ભોગ બનતાં અટકાવી હતી.