શહેરના સાબરમતી ખાતે આવેલ ડી-કેબિન વિસ્તારમાં મામાના ઘરેથી કાલુપુર રેલવે સ્ટેશન જવા નીકળેલો યુવક ટ્રેનની વ્હિસલ સાંભળીને ડરી જતાં સાબરમતી નદીમાં પડ્યો હતો અને જો કે, મોડી રાત હોવાથી તેની બુમ સાંભળીને કોઇ મદદે આવ્યું નહોંતું અને છેવટે યુવકે આખી રાત નદીની વચ્ચે આવેલા પિલર પર બેસીને પસાર કરવી પડી હતી.
ટ્રેનની વ્હિસલ સાંભળી યુવક ખાબક્યો સાબરમતીમાં
પિલ્લર પર પસાર કરી આખી રાત
ફિલ્મી ઢબે થયો બચાવ
આ બનાવ અંગે પ્રાપ્ત થતી વિગત અનુસાર, ડી-કેબિન વિસ્તારમાં રહેતા મામાના ઘરેથી કાલુપુર રેલવે સ્ટેશન જવા નીકળે મુંબઇના રહેવાસી અર્જુન આદિ દ્રવિડ નામનો યુવક કેશવનગર રેલવે ઓવરબ્રિજ પરથી ટ્રેનની વ્હિસલ સાંભળી ડરી નદીમાં પડ્યો હતો. અચાનક નદીમાં પડ્યા બાદ યુવકે મદદ માટે બુમો પાડી હતી જો કે, તે સમયે ત્યાં કોઇ હાજર નહીં હોવાથી તેની મદદે કોઇ આવી શક્યું નહીં.
પિલ્લર પર પસાર કરી રાત
કલાકોની મહેનત બાદ અંતે યુવક નદીની વચ્ચે રહેલા એક પિલ્લર પર ચડ્યો હતો. પોતાની પાસે રહેલો ફોન પાણીથી સંપૂર્ણ રીતે પલળી ગયેલો હોવાથી તે બંધ થઇ ગયો હતો અને કડકડતી ઠંડી અને પવનના સુસવાટા વચ્ચે તેણે પિલ્લર પર જ રાત આખી પસાર કરી પડી.
ગાર્ડે અવાજ સાંભળતા ફાયર સ્ટેશન પાસે માગી મદદ
અંતે વહેલી સવારે 6:45 ગાર્ડ આવતા તેણે જોયું કે યુવક પિલ્લર પરથી મદદ માગી રહ્યો છે. ત્યારે ગાર્ડે ફાયર સ્ટેશનને આ મામલાની જાણ કરી હતી અને ફાયર બ્રિગેડના જવાનોએ તેને બચાવી લીધો હતો.