જો તમે તમારી નોકરીની શરૂઆતથી જ સમજદારી પૂર્વક ઓછી બચત કરવાનું શરૂ કરી દો તો તમારું ભવિષ્ય સંપૂર્ણ રીતે સુરક્ષિત થઇ શકે છે. અમે એવા વિકલ્પ વિશે જણાવી રહ્યા છીએ જ્યાં જો તમે માત્ર 1 હજાર રૂપિયા મહિને જમા કરાવો છો તો આગળ જઇને તમને આજીવન દર મહિને 17 હજાર રૂપિયા મળતા રહેશે જે વાર્ષિક હિસાબથી 2 લાખ રૂપિયાથી વધારે હશે. આ યોજના સરકારની છે એટલે આ પ્લાન તમારા ભવિષ્ય માટે બેસ્ટ ઓપ્શન છે. યોજનામાં 18 વર્ષથી લઇને 60 વર્ષની ઉંમરનો કોઇપણ વ્યક્તિ સામેલ થઇ શકે છે.
શું છે આ યોજના:
ફ્યૂચર પ્લાનિંગ માટે નેશનલ પેન્શન સિસ્ટમ (National Pension System) એક બેસ્ટ વિકલ્પ બની ચુક્યો છે. આ સ્કીમને ભારત સરકારે 1 જાન્યુઆરી 2004એ લોંચ કરી હતી. સરકારીની સાથે-સાથે પ્રાઇવેટ સેક્ટરમાં કામકરનાર કોઇપણ કર્મચારી આ યોજના લઇ શકે છે.
500 રૂપિયાથી શરૂ કરી શકો છો:
સારી વાત એ પણ છે કે આ યોજનાને 500 રૂપિયા મહિનાના રોકાણની સાથે પણ શરૂ કરી શકાય છે. જ્યારે રોકાણની મહત્તમ રકમ કોઇ પણ હોઇ શકે છે.
કેવી રીતે મળે છે ફાયદો:
ઘણા લોકોને જે ઓછી ઉંમરમાં નોકરી શરૂ કરી લે છે તો આવી સ્થિતિમાં આવતા જ તે મંથલી કઇકને કઇક રોકાણ કરી શકે છે. આવામાં આજે આપણે 21 વર્ષનું સર્કલ નક્કી કર્યું છે જ્યાંથી માત્ર 1000 રૂપિયાનું રોકાણ કરવાનું રહેશે. યોજનામાં તમારે ત્યાં સુધી રોકાણ કરવાનું રહેશે જ્યાં સુધી તમારી ઉંમર 60 વર્ષની ના થઇ જાય. 60 વર્ષની ઉંમરમાં જેટલું ફંડ તૈયાર થશે તેમાથી ઓછામાં ઓછી 40 ટકા એન્યુટી ખરીદવી જરૂરી છે. જોકે તમને વધારે પેન્શન જોઇએ તો એન્યુટીમાં વધારે રકમ લગાવી શકો છો. અમે અહીં 60 ટકા એન્યુટીના આધાર પર ગણતરી કરી છે.
સાથે મળશે 23 લાખનું ફંડ:
સ્કીમ હેઠળ જેટલું ફંડ 60 વર્ષમાં તૈયાર થશે તેના 60%ના ફંડથી એન્યુટી ખરીદવા પર એન્યુટીની રકમ 34.56 લાખ રૂપિયા થશે. બાકી બચેલી 40 ટકાની રકમ 23 લાખ રૂપિયા થશે. અહીં 23 લાખ રૂપિયાની રકમ તમે 60 વર્ષની ઉંમર બાદ કેટલાક સ્ટેપ દ્વારા ઉપાડી શકો છો.
રિટાયરમેંટ બાદ તમારી મંથલી પેન્શન વધારે હોય તે તમારી એન્યુટીમાં કેટલી રકમ છે તેના પર નિર્ભર કરે છે. એટલી વધારે એન્યુટી હશે તેટલું જ વધારે પેન્શન મળશે. મોત થવા પર નોમિનીને સંપૂર્ણ પેંશનની રકમ આપી દેવામાં આવે છે.
ક્યાં થશે ઇન્વેસ્ટ પૈસા:
આ યોજનાની રકમ ઇક્વિટી માર્કેટ સરકારી સિક્યુરિટી સરકારી બોન્ડ અને ફિક્સ્ડ ઇનકમ આપનાર ઇન્સ્ટ્ટમેંટમાં લગાવવામાં આવે છે. તમારી પાસે વિકલ્પ હોય છે કે તમારા પૈસા ક્યાં રોકાવામાં આવે છે.
એકાઉન્ટ ખોલાવવું સરળ:
સરકારે દેશભરમાં પોઇન્ટ ઓફ પ્રેઝન્સ (POP)બનાવ્યા છે જેમાં NPS એકાઉન્ટ ખોલાવી શકાય છે. દેશની લગભગ બધી જ સરકારી અને પ્રાઇવેટ બેંકોને પીઓપી બનાવવામાં આવી છે એટલા માટે કોઇપણ બેંકની નજીકની બ્રાંચમાં એકાઉન્ટ ઓપન કરાવી શકાય છે.
આ ડોક્યુમેન્ટ્સની જરૂર:
સંપૂર્ણ ભરેલું રજિસ્ટ્રેશન ફોર્મ જે બેંક દ્વારા મળશે.
એક એડ્રેસ પ્રૂફ
એક આઇડેન્ટિટી પ્રૂફ
બર્થ સર્ટિફિકેટ અથવા ધો. 10નું સર્ટિફિકેટ.