વધતી મોંઘવારી વચ્ચે આગામી સમયમાં નિવૃત્તિ પછી પુત્ર કે વારસદાર ઉપર નિર્ભર રહેવુ બહુ કઠીન કામ છે. ત્યારે નિવૃત્તિ પહેલા આ કાર્ય કરી લેશો તો તમારે નિવૃત્તિ બાદ પણ બમ્પર આવક મળતી રહેશે.
મોંઘવારી વચ્ચે નિવૃત્તિ પછી પુત્ર કે વારસદાર ઉપર નિર્ભર રહેવુ કઠિન
ધ્યેય નક્કી કરી રોકાણ કરવાથી નિવૃત્તિ બાદ પણ બમ્પર આવક મળશે
આપણા દેશમાં અત્યારે જે રીતે મોંઘવારી વધી રહી છે તેને જોતા સૌ કોઈ લોકો ચિંતિત છે કે નિવૃત્તિ પછી કઈ રીતે જીવનને રોજીંદુ રાખીશું. કેમકે પહેલા એવુ હતુ કે એક કમાઈ અને ચાર ખાઈ શકતા હતા. વધુમાં સૌ કોઈ લોકો પોતાના જીવનમાં નિવૃત્તિ લીધા બાદ સુખી જીવનની જીવવાની ઈચ્છા ધરાવતો હોય છે. ત્યારે દર મહિને આપણે કેવી રીતે આ કરી શકીશુ તેના માટે તો સૌથી પહેલા આપણે જ્યારે નોકરી કે આવક કરી રહ્યા છીએ ત્યારે પીએફ કપાવતા હોઈએ છીએ. ત્યાર બાદ આપણે પેન્સન પ્લાનમાં રોકાણ કરતા હોઈએ છીએ. પરંતુ સવાલ એ છે કે આપણા દ્વારા જમા કરાયેલા આ પ્રકારના નાણા આપણી આવનારા દિવસોમાં ઉદભવતી નાણાની જરૂરીયાત પૂર્ણ કરી શકશે ખરા?
ટાર્ગેટ કરો નક્કી
આ પોઈન્ટ સૌથી મહત્વનો ભાગ છે કેમકે તમારો ટાર્ગેટ જ તમને સેટ નહીં હોય તો આગળનુ તમારૂ પ્લાનીંગ પ્રોપર રીતે સેટ નહીં થાય. તેથી ટાર્ગેટને એ રીતે સેટ કરો કે જેથી દેશમાં વધતા ફુગાવાની અસર તેના પર ન થાય. જ્યારે પણ ટાર્ગેટ સેટ કરો છો ત્યારે તમે વર્તમાન ફૂગાવાનો જે દર હશે તેનાથી ૫-૬ ટકા જેટલો ઉપર રાખવો જોઈએ.
ધ્યેય નક્કી કરવામાં આ બાબતનું ધ્યાન રાખો
જ્યારે પણ ભવિષ્યનો ધ્યેય નક્કી કરી રહ્યા હોય ત્યારે તમે જે એસેટ પસંદ કરી રહ્યા હોય તેને પસંદ કરવામાં ખૂબજ કાળજી રાખવી જોઈએ. એટલે કે કોઈપણ એક પ્રકારમાં રોકાણ ન હોવુ જોઈએ. તમે એસેટ પસંદ કરો ત્યારે રોકાણને મિલ્કત, બોન્ડ, શેર, એસઆઈપી, રિયલ એસ્ટેટ જેવા વિવિધ સેગમેન્ટમાં વહેચીને રોકાણ કરવુ જોઈએ. વધુમાં જો નિવૃત્તિ બાદ રોકડની તંગીનો સામનો ન કરવો હોય તો અત્યારથી જ તમારે ઘર લેવાની તૈયારી રાખવી જોઈએ કેમકે ઘણી વાર એવુ થાય છે લોકો પાસે ઘર હોય છે પરંતુ જીવનશૈલીને અને ખર્ચને પહોચી વળવા માટે રોકડ સિમિત હોય છે. આવી સ્થિતિ વચ્ચે મોર્ગેજ નો વિકલ્પ પસંદ કરી શકાય છે. જેમાં ઘરને બેંકમાં ગિરવી રાખી અને નિયમિત પેમેન્ટ મેળવી શકાય છે જેનો કાર્યકાળ 20 વર્ષનો હોય છે ઉદાહરણ તરીકે ૮૦ લાખની હુમલોન હોય તો તેને દર 11.35 ટકા આસપાસ છે આ કિસ્સામાં 10 વર્ષ માટે 34,800 અને 20 વર્ષ સુધી 8080 રૂપિયા મહિને ચૂકવવામાં આવે છે.