વ્યાજખોરોનો આતંક / બનાસકાંઠાના વેપારી સાથે જે થયું એ જાણીને હચમચી જશો, ફરિયાદ નોંધાવતા પોલીસ થઈ દોડતી

• થરામાં વ્યાજખોરોનો આતંક, વ્યાજખોરોએ વેપારીને મારી નાખવાની ધમકી આપી
• ડેરી પાર્લરના વેપારીએ 2020માં રૂ.6 લાખ વ્યાજે લીધા હતા 
• 6 લાખ રૂપિયાનું 100 દિવસનું વ્યાજ 1.20 લાખ રૂપિયા ભર્યુ હતુ
• નાણાં પરત કરવા છતાં 10% વ્યાજ સાથે 7 લાખ રૂપિયા બાકી હોવાની ઉઘરાણી કરી

બનાસકાંઠા જિલ્લામાં ફરી એકવાર વ્યાજખોરોનો આંતક સામે આવ્યો છે. વાત જાણે એમ છે કે, થરામાં વ્યાજખોરોએ વેપારીને મારી નાખવાની ધમકી આપી છે. પ્રાથમિક વિગતો મુજબ ડેરી પાર્લરના વેપારીએ 2020માં વ્યાજખોરો પાસેથી 6 લાખ રૂપિયા વ્યાજે લીધા હતા. જે બાદમાં 6 લાખ રૂપિયાનું 100 દિવસનું વ્યાજ 1.20 લાખ રૂપિયા પણ ભર્યુ હતુ. આ તરફ વ્યાજ સાથે પૈસા પરત ભરવા છતાં ઇસમોએ પઠાણી ઉઘરાણી ચાલુ રાખી હતી. જે બાદમાં ઇસમોએ વેપારીને મારી નાખવાની ધમકી આપ્યા બાદ હવે એક જ પરિવારના ત્રણ સભ્યો સામે પોલીસ ફરિયાદ નોંધાઈ છે. 

ઉત્તર ગુજરાત સહિત સમગ્ર રાજ્યમાં વ્યાજખોરો આતંક દિવસેને દિવસે વધી રહ્યો છે. તાજેતરની ઘટનામાં થરામાં ડેરી પાર્લરના એક વેપારીને 6 લાખ રૂપિયા વ્યાજે લેવા ભારે પડ્યા છે. 2020માં વેપારીએ મકરાણી પરીવાર પાસેથી રૂ.6 લાખ વ્યાજે લીધા હતા. 6 લાખ રૂપિયાનું 100 દિવસનું વ્યાજ 1.20 લાખ રૂપિયા ભર્યુ હતુ. પીડિત વેપારી વ્યાજખોરો પાસેથી 2005થી વ્યાજે પૈસા લેવાનું કામ કરતાં હોય ઇસમોએ નાણાં પરત કરવા છતાં 10% વ્યાજ સાથે 7 લાખ રૂપિયા બાકી હોવાની ઉઘરાણી કરી હતી. 

વ્યાજખોરોએ વેપારીને આપી મારી નાખવાની ધમકી

થરાના ડેરી પાર્લરના વેપારીને વ્યાજખોરોએ પઠાણી ઉઘરાણીની સાથે જાનથી મારી નાખવાની ધમકી આપી હતી. જેને લઈ ગભરાઈ ગયેલા વેપારીએ થરાનાં મકરાણી પરીવારનાં પતિ-પત્ની પુત્ર સામે પીડિત વેપારીએ ફરીયાદ નોંધાવી. આ તરફ થરા પોલીસે એક જ પરિવારના 3 ત્રણ વ્યાજખોરો સામે ગુનો નોંધી વધુ તપાસ હાથ ધરી છે.