બિઝનેસ / ભારતમાં ધૂમ મચાવવા આવી રહી છે ટેસ્લા કંપનીની આ નવી કાર, કિંમત અને ફીચર્સ જાણીને ચોંકી જશો

• ભારતમાં ટેસ્લા કંપની શરૂ કરવા જઈ રહી છે વેપાર 
• બેંગલોરથી કંપની શરૂ કરશે બિઝનેસ 
• ટેસ્લા મોડેલ 3 ની બુકિંગ શરૂ કરવામાં આવશે

તાજેતરમાં જ વિશ્વના સૌથી વધુ ધનવાન બનેલા એલોન મસ્કની કંપની ટેસ્લા મોટર્સ હવે ભારતમાં પણ પોતાનો કારોબાર શરુ કરવા માટે જઈ રહી છે અને આ માટે તેણે સૌથી પહેલા શહેર તરીકે ભારતમાં બેંગ્લોરની પસંદગી કરી છે. આ માટે કંપનીએ ભારતીય ઉદ્યોગગૃહ ટાટા સાથે મળીને જોઈન્ટ વેન્ચરમાં ટાટા મોટર્સ એન્દ એનર્જી પ્રાઇવેટ લિમિટેડ નામથી રજીસ્ટ્રેશન કરાવ્યું છે જેનો નોંધણી નમ્બર 142975 છે. 

કંપનીએ તેની યોજના પ્રમાણે મોટાપાયે ભારતમાં એન્ટ્રી લેવાનું નક્કી કરી નાખ્યું છે અને તેના ઇલેક્ટ્રિક કાર મોડેલ ટેસ્લા મોડેલ 3 નું ખૂબ જ જલ્દી ભારતમા બુકીંગ શરુ થઇ જવાનું છે. 

એલોન મસ્કે આપી હતી જાણકારી 

એલોન મસ્કે જ આ વાતની જાણકારી આપી હતી કે તેની કંપની ભારતમાં એન્ટ્રી કરવા જઈ રહી છે અને 2021 તેના માટે નિશ્ચિત છે, ટેસ્લા ઇન્ડિયાએ ભારતમાં તેમના ઓપરેશન માટે વૈભવ તનેજા, વેન્કટરન્ગમ શ્રીરામ અને ડેવિડ જોન ફેસ્ટીનને તેમના ડાયરેક્ટર તરીકે નિયુક્ત કર્યા છે અને તનેજા ટેસ્લામાં સીએફઓ છે અને ફેંટીન ગ્લોબલ સિનિયર ડિરેક્ટરના પદ પર કાર્યરત છે. 

શું છે ટેસ્લા મોડેલ 3 ની ખાસિયત ?

1. આ કારમાં 60 kwની લિથિયમ આયન બેટરી પેકનો ઉપયોગ થયો છે
2. આ કારની ટોપ સ્પીડ 260 કિમી પ્રતિકલાક છે.
3.પીકઅપના મામલે પણ કારનું પરફોર્મન્સ શાનદાર છે
4.માત્ર 3.1 સેકન્ડમાં જ 0 થી 100 કિમી પ્રતિકલાકની ઝડપ મેળવી શકે છે
5.સિંગલ ચાર્જમાં આ કાર 500 કિમી સુધીની રેન્જ આપી શકે છે

શું હશે કિંમત ?

ટેસ્લા મોડેલ 3 ની કિંમત ભારતીય કરન્સી પ્રમાણે શરૂઆતમાં 55 લાખ રૂપિયાની આજુબાજુ હોવાની સંભાવના છે અને આ કિંમત પર જ તેને લોન્ચ કરી શકવામાં આવી શકે છે. વર્ષ 2021માં કંપની ટેસ્લા મોડેલ 3 ની બુકીંગ શરુ કરી દેશે અને આ સિવાય કસ્ટમરને તેનામાં કસ્ટમાઇઝ કરવાના ઓપશન પણ મળશે, જે ગ્રાહકો માટે એક અલગ અને નવો જ અનુભવ હશે.