ભારતમાં ઈન્ફોસિસથી લઈને TCS, વિપ્રો, HCL જેવી અનેક દિગ્ગજ IT કંપનીઓ છે, જેનો બિઝનેસ દેશ અને વિદેશમાં વિસ્તારિત થયેલો છે. આ કંપનીઓ લાખો લોકોને રોજગાર આપે છે. શું તમે જાણો છો કે, આ કંપનીના CEO કોણ છે અને તેમને કેટલો પગાર આપવામાં આવી રહ્યો છે. અહીંયા અમે તમને કંપનીના CEO વિશે જાણકારી આપી રહ્યા છે. જાણો પાંચ એવા CEO વિશે જેને કંપની તરફથી સૌથી વધુ પગાર આપવામાં આવી રહ્યો છે.
HCL કંપની
વર્ષ 2022માં સૌથી વધુ HCL કંપનીના CEOને પગાર આપવામાં આવી રહ્યો છે. આ કંપનીના CEO સી. વિજયકુમાર છે. વર્ષ 2021માં તેમને 123.13 કરોડ રૂપિયા પગાર આપવામાં આવી રહ્યો હતો. પ્રાપ્ત થયેલ એક રિપોર્ટ અનુસાર સી. વિજયકુમાર વાર્ષિક પગાર ચાર્જ કરે છે. વિજય કુમારે વર્ષ 1994માં આ કંપની જોઈન કરી હતી.
વિપ્રો કંપની
સૌથી વધુ પગાર મેળવવામાં વિપ્રોના CEO થિએરી ડેલાપોર્ટેનું નામ બીજા નંબરે આવે છે. વર્ષ 2022માં થિએરી ડેલાપોર્ટેનું વાર્ષિક પેકેજ 79.8 કરોડ રૂપિયા હતું.
ઈંફોસિસ કંપની
સૌથી વધુ પગાર મેળવવામાં ઈંફોસિસ કંપનીના CEO સલિલ પારીખનું નામ ત્રીજા નંબરે આવે છે. વર્ષ 2022માં સલિલ પારીખને 71.02 કરોડ રૂપિયા પગાર આપવામાં આવ્યો હતો.
With an 88% hike, Infosys Chief Salil Parekh gets reappointed, becoming the highest-paid CEO in India with a 79.75 crore remuneration.
— Brainium Information Technologies (@BrainiumIT) May 27, 2022
ટેક મહિન્દ્રા કંપની
સૌથી વધુ પગાર મેળવવામાં ટેક મહિન્દ્રા કંપનીના CEO અને એમડી સી.પી.ગુરનાની ચોથા નંબરે આવે છે. વર્ષ 2022માં તેમના પગારમાં 189 ટકાનો વધારો કરવામાં આવ્યો અને તેમને 63.4 કરોડ રૂપિયા પગાર આપવામાં આવ્યો હતો.
ટાટા કન્સલટન્સી સર્વિસ
સૌથી વધુ પગાર મેળવવામાં ટાટા કન્સલટન્સી સર્વિસ કંપનીના CEO અને એમડી રાજેશ ગોપીનાથન પાંચમાં નંબરે આવે છે. તેમના પગારમાં 26.6 ટકાનો વધારો કરવામાં આવ્યો. વર્ષ 2022માં તેમને 25.75 કરોડ રૂપિયાનું વળતર આપવામાં આવ્યું હતું. સપ્ટેમ્બર 2023માં તેઓ TCSની નોકરી મુકી દેશે.