સુરતમાં પતિ પત્ની સંબંધ વચ્ચે અન્ય એક યુવતીની એન્ટ્રી થઈ જતા આવેશમાં આવેલી પત્નીએ યુવતીને સબક શીખવ્યો
પતિ રંગેહાથે ઝડપાતા પત્નીએ બતાવ્યું રૌદ્ર સ્વરૂપ
સુરતમાં પતિ-પત્ની અને વોનો કિસ્સો આવ્યો સામે
ઝડપાયેલી પતિની પ્રેમિકાને પત્નીએ ભણાવ્યો પાઠ
હાલ સોશિયલ મીડિયાના યુગમાં અનેક પ્રકારના કિસ્સા સામે આવે છે જેમાં અનેકવાર લગ્નોતર સંબંધોને લીધે પરિવાર વેરવિખેર થઈ જતા કિસ્સાઓ પણ સામે આવતા હોય છે. સુરતમાં એવો જ એક કિસ્સો સામે આવ્યો છે જેમાં પતિ પત્ની સંબંધ વચ્ચે અન્ય એક યુવતીની એન્ટ્રી થઈ જતા આવેશમાં આવેલી પત્નીએ યુવતીને સબક શીખવ્યો હતો.
સુરતમાં પતિ-પત્ની અને વોનો કિસ્સો આવ્યો સામે
એક વીડિયો સામે આવ્યો છે જેમાં એક મહિલા યુવતીને માર મારી રહી છે અને જાહેરમાં યુવતીને સબક શીખવી રહી છે, આ વીડિયો સુરતના પલસાણાના વિસ્તારમાં આવેલા તાતીથૈયા ગામનો હોવાનું મનાઈ રહ્યું છે જેમાં પતિનાની કરતૂતનો પર્દાફાશ થતા પત્ની રણચંડી બની હતી. પત્નીને પતિ પર શંકા જતા તેનો પીછો કર્યો હતો અને ગામમાં આવેલા સોની પાર્કમાં પતિને મળવા આવેલી યુવતીને પત્નીએ સબક શીખવ્યો હતો.
ઝડપાયેલી પતિની પ્રેમિકાને પત્નીએ ભણાવ્યો પાઠ
વીડિયોમાં જોઈ શકાય છે કે પત્નીએ રૌદ્ર સ્વરૂપ ધારણ યુવતી સાથે મારા મારી કરી રહી છે એટલું જ નહીં પત્નીએ તેના વાળ પણ કાપી નાખ્યા જ્યારે રંગે હાથ ઝડપાયેલો પતિ ફરાર થઈ ગયો હતો. પત્નીએ યુવતીને એવો તે સબક શીખવ્યો જેને લઈ રણચંડી બનેલી પત્નીને જોવા સૌ એકઠા થઈ ગયા હતા. પત્નીએ યુવતીને જાહેરમાં ઘસડીને માથાના વાળ કાપ્યા હતા.