સપ્ટેમ્બર મહિનાની શરૂઆતમાં દેશમાં ઘણા મહત્વના ફેરફાર થવા જઇ રહ્યા છે. સપ્ટેમ્બરમાં ઘણા ફાયનાન્શિયલ રૂલ્સ પ્રભાવી થશે. જે તમારા ખિસ્સા પર અસર નાંખી શકે છે. આ ફેરફારો હેઠળ ક્યાંક તમને રાહત મળશે તો ક્યાંક તમારે ખિસ્સા ઢીલા કરવા પડશે.
સપ્ટેમ્બથી ડ્રાઇવિંગના લર્નિંગ લાયસન્સ માટે લોકોને પરિવહન કાર્યાલયના ચક્કર મારવા પડશે નહીં. અરજીથી લઇને ટેસ્ટ દરેક વસ્તુ ઘરે બેઠા ઓનલાઇન થશે. તમામ પ્રક્રિયા તત્કાલ થશે અને ટેસ્ટ પાસ કરતા જ લાયસન્સ પણ મળી જશે. પરંતુ સ્થાઇ લાયસન્સ માટે પરિવહન કાર્યાલય જઇને જ ટેસ્ટ આપીવ પડશે, ત્યારબાદ લાયસન્સ મળશે. હાલ દેશમાં પ્રતિ વર્ષ આશરે 1 કરોડ લર્નિંગ લાયસન્સ બને છે.
1 સપ્ટેમ્બરથી નવા નિયમ થશે લાગૂ
કેન્દ્ર સરકારે મોટર વ્હીકલ એક્ટમાં સંશોધન કરી દીધું છે. હવે એના નિયમો લાગૂ કરવાની તૈયારી કરવામાં આવી રહી છે. તાજેતરમાં કેન્દ્રીય પરિવહન મંત્રી નીતિન ગડકરીએ સંશોધિત મોટર વ્હીકલ એક્ટના 63 જોગવાઇ 1 સપ્ટેમ્બરથી લાગૂ કરવાની વાત કહી હતી. આ એવી જોગવાઇ છે જેમાં નિયમ નક્કી કરવા ફરજીયાત નથી.
તાજેતરમાં પરિવહન મંત્રી નીતિન ગડકરીએ સંશોધિત મોટર વ્હીકલ એક્ટના 63 જોગવાઇને 1 સપ્ટેમ્બરથી લાગૂ કરવાની વાત કહી હતી. આ જોગવાઇમાં મોટાભાગે ટ્રાફિક નિયમોના ઉલ્લંઘન પર દંડ સંબંધિત છે. નવી જોગવાઇમાં દંડની રકમમાં બમણો વધારો કરવામાં આવ્યો છે.