લાઇફસ્ટાઇલ / મુકેશ અંબાણીના ઘરમાં કામ કરતા લોકોમાં હોવી જોઇએ આ લાયકાત, મળે છે આટલી સેલેરી

એશિયાના સૌથી ધનિક વેપારી મુકેશ અંબાણીનું ફોર્બ્સ મેગેઝિનની લિસ્ટમાં દુનિયાભરના અબજોપતિમાં 13મું સ્થાન છે. પરંતુ તમને ક્યારેય વિચાર આવ્યો કે તેમના ઘરમાં કામ કરતાં નોકરોને કેટલા પગાર મળતો હશે અને કેવી રીતે પસંદગી થાય છે? મુકેશ અંબાણીના નોકરોની સેલેરી લાખોમાં છે અને ત્યાં પસંદગી થવી સરળ નથી..

આટલુ કમાય છે અંબાણીના નોકર:

રિપોર્ટ પ્રમાણે, મુકેશ અંબાણીના ઘરે 600 નોકરો છે. અંબાણીના ઘરના નોકરોની સેલરી જાણીને તમને પણ થશે કે ત્યાં કામ કરવા મળે તો સારુ. તેમના ઘરમાં એક નોકરને દર મહિને 2 લાખ રૂપિયા પગાર મળે છે. જે  તેમની જવાબદારી પ્રમાણે ઓછી-વધારે થઇ શકે છે. આ ઉપરાંત નોકરોને વીમા જેવી સુવિધા પણ મળે છે. મુકેશ અંબાણીનું ઘર એન્ટિલિયા દુનિયાના સૌથી મોંઘા મકાનોમાંથી એક છે. જો કે, ત્યાં અંદર પહોંચવું સરળ નથી. 

આ રીતે થાય છે પસંદગી:

મુકેશ અંબાણીના ઘરે કામ કરવા માટે એક નહીં અનેક યોગ્યતા હોવી જરૂરી છે. સામાન્ય રીતે નોકરી મેળવવા માટે ઈન્ટરવ્યૂ આપવું પડે છે તેમ જ અહીં પણ ટેસ્ટ લેવામાં આવે છે. એક કંપની પહેલા નોકરોનો ઈન્ટરવ્યૂ લે છે. ત્યાર બાદ લેખિત પરીક્ષા યોજાય છે. આ પરીક્ષા પાસ કરનારને નેક્સ્ટ રાઉન્ડમાં મોકલવામાં આવે છે. આમા પસંદગી થાય તો મેડિકલ ટેસ્ટ કરાવવામાં આવે છે. જો કોઈ વ્યક્તિ નાદુરસ્ત હોય તો તેને નોકરી નથી મળતી. 

કૂકની પસંદગી:

રિપોર્ટ મુજબ, મુકેશ અંબાણીના ઘરે શેફ ઓબેરોય હોટલમાંથી મંગાવવામાં આવે છે. આ શેફને દુનિયાનું દરેક પ્રકારનું ભોજન બનાવતા આવડે છે. રિપોર્ટ મુજબ, મુકેશ અંબાણીના પરિવારને સાઉથ ઇન્ડિયન ફૂડ વધારે પસંદ છે. જોકે તેમના ઘરે કૂક તમામ પ્રકારનું ભોજન બને છે. 

ડ્રાઇવરની પસંદગી:

મુકેશ અંબાણી ડ્રાઈવરની પસંદગી કરવા માટે ખાનગી કંપનીને કોન્ટ્રાક્ટ આપે છે. આ કંપનીઓને ડ્રાઈવરની પસંદગી કરવાની સંપૂર્ણ જવાબદારી સોંપવામા આવે છે. સૌથી પહેલા ડ્રાઈવરની નોકરી માટે અરજી કરનારનું બેકગ્રાઉન્ડ તપાસવામાં આવે છે. કોઈ ગુનાહિત કૃત્યમાં સંડોવણી છે કે નહિ તેની તપાસ થાય છે. આ કંપની ડ્રાઇવરને ટ્રેનિંગ આપે છે. ત્યાર બાદ ડ્રાઈવરને કપરી પરીક્ષા પાસ કરવી પડે છે. આ પ્રક્રિયા પૂરી કર્યા પછી ડ્રાઇવરની નિયુક્તિ થાય છે.