વાહ / ચૂંટણીના જંગ વચ્ચે વડોદરામાં જે દ્રશ્ય જોવા મળ્યું તે જોઈને વિશ્વાસ નહીં થાય

રાજકારણમાં કોઈ દોસ્ત કે દુશ્મન હોતુ નથી. કાર્યકરો એક બીજા પક્ષ પ્રત્યે ખુન્નસ રાખે છે પરંતુ નેતાઓને કોઈ પણ દુશ્મની હોતી નથી. પક્ષ કોઈ પણ હોય નેતાઓ પોતાના અંગત સંબંધો સાચવી રાખે છે. આ વાતનું ઉત્તમ ઉદાહરણ આજે વડોદરામાં જોવા મળ્યું હતું. 

વડોદરા લોકસભા બેઠક પર કોન્ગ્રેસ ના ઉમેદવાર પ્રશાંત પટેલે રેલી યોજી અને ફોર્મ ભર્યું હતું. આ રેલી વખતે રસ્તામાં ભાજપના મંત્રી યોગેશ પટેલનું ઘર પણ આવે છે.

 

ત્યારે મંત્રી યોગેશ પટેલના મંત્રી કોંગ્રેસની રેલી જોવા માટે બહાર નિકળ્યા હતા. મંત્રીના પત્નીને જોતા પ્રશાંત પટેલ પોતાની ગાડીમાંથી નીચે ઉતર્યા અને તેમના આશિર્વાદ લીધા અને તેમના પ્રત્યે આદર ભાવ પ્રગટ કર્યો.

તો બીજી તરફ પ્રશાંત પટેલ કોંગ્રેસના ઉમેદવાર હોવા છતા સરલાબેન પટેલે પણ વડીલ તરીકે પ્રશાંત પટેલને જીતના આશિર્વાદ આપ્યા હતા. આમ વડીલના આશિર્વાદ લેવા માટે નીચે ઉતરેલા સંસ્કારીનગરની ઉમેદવારે પોતાના સંસ્કાર વ્યક્ત કર્યા હતા તો બીજી તરફ મંત્રીના પત્નીએ પણ તેમને વિજયભવહના આશિર્વાદ આપીને વડીલ તરીકે ઉદારતા દાખવી હતી.