ગુજરાતના વરસાદને લઈને રાહતના સમાચાર બંગાળની ખાડીમાં લૉ પ્રેશર બની રહ્યું છે પરતું ગુજરાતમાં તેની અસર વધુ જોવા મળશે નહીં.
રાજ્યમાં છૂટોછવાયો વરસાદ રહેશે
રાજ્યમાં વરસાદની તીવ્રતા થશે ઓછી
હાલ ક્યાંય ભારે વરસાદની આગાહી નહીં
રાજ્યમાં વરસાદને લઈ હવામાન વિભાગે આગાહી કરી છે હવામાને જણાવ્યું છે કે હવે વરસાદનું જોર ઘટશે. અને વરસાદની તીવ્રતા ઓછી થશે. જો કે રાજ્યમા કેટલાક વિસ્તારોમાં છુટો છવાયો વરસાદ પડી શકે છે.
સૌથી વધુ વરસાદ વલસાડમાં 33.70 ટકા વરસાદ
આગાહી અનુસાર જણાવાયું છે કે હાલ રાજ્યમાં ભારે વરસાદની શક્યતા નહીવત જોવા મળી રહી છે. જો કે હજુ પણ જરૂર મુજબ વરસાદ વરસ્યો નથી. રાજ્યમાં હજુ પણ 28 ટકા વરસાદની ઘટ જોવા મળી રહી છે. અત્યાર સુધી સિઝનનો કુલ 33 ટકા વરસાદ પડી ચુક્યો છે જેમાં ગુજરાતમાં 242 મીમી વરસાદ નોંધાયો છે. હવામાન વિભાગે કહ્યું છે કે બંગાળની ખાડીમાં લૉ પ્રેશર બની રહ્યું છે પરતું ગુજરાતમાં તેની અસર વધુ જોવા મળશે નહીં.
ગુજરાતમાં મોસમનો 33 ટકા વરસાદ નોંધાયો
જોકે રાજ્યમાં છેલ્લા 10 દિવસોમાં સિઝનનો 12 ટકાથી વધુ નોંધાયો છે. જ્યારે સૌથી વધુ વરસાદ વલસાડમાં 33.70 ટકા વરસાદ નોંધાયો છે.જ્યારે કચ્છમાં સૌથી ઓછો 5.27 ટકા વરસાદ નોંધાયો છે મહત્વનું છે કે ગઈ કાલે એક દિવસમાં રાજ્યમાં 195 તાલુકામાં વરસાદ ખાબક્યો હતો જેમાં સૌથી વધુ વરસાદ આણંદના પેટલાદમાં સવા પાંચ ઈંચ વરસાદ નોંધાયો છે.
છેલ્લા 10 દિવસમાં સિઝનનો 12 ટકાથી વધુ વરસાદ
રાજ્યમાં ગયા વર્ષે 26 જુલાઈ સુધીમાં 13 ઈંચ સાથે સિઝનો સરેરાશ 36.66 ટકા વરસાદ નોંધાયો હતો. જો કે ગયા વર્ષની તુલનાએ આ વર્ષે વરસાદનું પ્રમાણ સામાન્ય જણાઈ રહ્યું છે. રાજ્યમાં અત્યાર સુધી દક્ષિમ ગુજરાતમાં 20.23 ઈંચ સાથે સિઝનનો સૌથી વધુ 35.19 ટકા, કચ્છમાં 5.27 ઈંચ સાથે 30.25 ટકા, ઉત્તર ગુજરાતમાં 7.95 ઈંચ સાથે મોસમનો 28.16 ટકા, પૂર્વ-મધ્ય ગુજરાતમાં 30.56 ઈંચ સાથે સિઝનનો 30.08 ટકા, સૌરાષ્ટ્રમાં 8.77 ઈંચ સાથે સિઝનનો 31.89 ટકા વરસાદ નોંધાયો છે.
વલસાડ જિલ્લામાં સૌથી વધુ 33.70 ટકા વરસાદ
જો વાત કરવામાં આવે તો આવખે ગુજરાતમાં સિઝનનો માત્ર 33 ટકા વરસાદ નોંધાયો છે જ્યારે વલસાડમાં સૌથી વધુ 33.7 ઇંચ તો કચ્છમાં સૌથી ઓછો 5.27 ઇંચ વરસાદ જ્યારે રાજ્યના 25 તાલુકામાં 20થી 40 ઈંચ, 88 તાલુકામાં 10થી 20 ઈંચ, 96 તાલુકામાં 5 થી 10 ઈંચ અને 39 તાલુકામાં 2 થી 5 ઈંચ વરસાદ નોંધાયો છે. અમદાવાદ જિલ્લામાં અત્યાર સુધીમાં 7.36 ઈંચ સાથે સિઝનનો 28.08 ટકા વરસાદ પડ્યો છે. શહેરમાં ગયા વર્ષમાં આ મહિનાની સરખામણીએ 10.27 ઈંચ સાથે સિઝનનો 37.27 ટકા વરસાદ નોંધાઈ ચુક્યો હતો.
એક દિવસમાં રાજ્યમાં 195 તાલુકામાં વરસાદ
બંગાળની ખાડીમાં લો પ્રેશર સક્રિય થતા રાજ્યમાં આગામી 4 દિવસ સુધી વરસાદને આગાહી કરવામાં આવી છે તો આગામી 24 કલાક સુધી મધ્ય ગુજરાત અને ઉત્તર ગુજરાતમાં ભારે વરસાદ પડવાનું અનુમાન પણ કરવામાં આવી રહ્યું છે. આજે ડાંગ તાપી નર્મદા નવસારી દીવ દમણ દાદરાનગર હવેલીમાં હળવોથી ભારે વરસાદ પડી શકે છે તેવું જણાવાયું છે તો ગીર સોમનાથ જામનગર પોરબંદર ગીર સોમનાથ ભાવનગર સહીતના પંથકમાં ભારે વરસાદની આગાહી કરાઈ છે. 29 જુલાઈએ રાજ્યમાં કેટલાક વિસ્તારોમાં પવન સાથે વરસાદની આગાહી છે. જો કે બુધવારથી રાજ્યમાં વરસાદનું જોર ઘટી શકે છે.