હાલ સની દેઓલ તેની આગામી ફિલ્મ ગદર 2ને લઈને ખૂબ જ ચર્ચામાં છે એવામાં સની દેઓલએ એ ફિલ્મના શૂટિંગ શેડ્યૂલ દરમિયાન મહારાષ્ટ્રના અહમદનગરનો એક વીડિયો શેર કર્યો છે.
હાલ આ વીડિયો સોશિયલ મીડિયા પર ખૂબ જ વાયરલ થઈ રહ્યો છે
સની દેઓલ તેમના દમદાર ડાયલોગ્સ અને જબરદસ્ત અભિનયને કારણે જાણીતા છે. સની દેઓલના દમદાર પાત્રો લોકોણઆ મનમાં હજુ પણ જીવતા છે. આજે પણ અભિનેતાના ઘણા એવા ડાયલોગ છે જે લોકોને યાદ છે. ચાહકો તેની એક ઝલક જોવા માટે ઉત્સાહિત છે પણ હાલ કઇંક એવું જોવા મળ્યું જે જોઈને તમે પણ ચોંકી જશો. થયું એવું કે હાલ જ્યારે સની દેઓલ પોતે એક વ્યક્તિને મળ્યો, ત્યારે તેની પ્રતિક્રિયા એકદમ સામાન્ય હતી. હદ તો ત્યારે થઈ જ્યારે વ્યક્તિએ સની દેઓલને કહ્યું કે તમારો ચહેરો સની દેઓલ જેવો છે. હાલ આ વીડિયો સોશિયલ મીડિયા પર ખૂબ જ વાયરલ થઈ રહ્યો છે.
સની દેઓલે શેર કર્યો એક વિડીયો
આપણે બધા જાણીએ છીએ કે હાલ સની દેઓલ તેની આગામી ફિલ્મ ગદર 2ને લઈને ખૂબ જ ચર્ચામાં છે એવામાં સની દેઓલએ એ ફિલ્મના શૂટિંગ શેડ્યૂલ દરમિયાન મહારાષ્ટ્રના અહમદનગરનો એક વીડિયો શેર કર્યો છે. વાયરલ થયેલ એ વીડિયોમાં જોઈ શકાય છે કે એક વ્યક્તિ બળદ ગાડા પર આવે છે અને સની દેઓલની ટીમનો એક વ્યક્તિ તેની સાથે વાત કરવા લાગે છે. એ બાદ સની દેઓલ પણ ખેડૂત પાસે આવે છે.
જો કે ચોંકાવનારી વાત એ છે કે વ્યક્તિને એ પણ ખબર નથી કે તે સની દેઓલ સાથે વાત કરી રહ્યો છે. વાત કરતાં કરતાં અચાનક એ વ્યક્તિ બોલ્યો કે તમે સની દેઓલ જેવા દેખાઈ રહ્યા છો અને આ પછી અભિનેતા હસીને કહે છે કે હા કહે છે. એ બાદ તે વ્યક્તિ થોડો શરમાઈ જાય છે.
હું તમારા પિતાના વિડીયો જોઉં છું
આ બાદ એ વ્યક્તિ સની દેઓલ સાથે વાત કરવાનું શરૂ કરે છે અને કહે છે કે હું તમારા પિતા ધર્મેન્દ્રજીને સોશિયલ મીડિયા પર જોતો રહું છું. હવે આ ક્લિપ સોશિયલ મીડિયા પર ઝડપથી વાયરલ થઈ રહી છે. સની દેઓલે પોતે તેને ઇન્ટરનેટ પર શેર કર્યો છે. આ અંગે લોકો પ્રતિક્રિયા આપી રહ્યા છે.