ફક્ત 7 રુપિયા રોજ બચાવીને તમે વૃદ્ધાવસ્થાને વ્યવસ્થિત બનાવી શકો છે. એક કપ ચાથી પણ ઓછી કિંમતે તમે તમારુ ભવિષ્ય ઉજ્જવળ બનાવી શકશો.
18 વર્ષની ઉંમરમાં અટલ પેન્શન યોજનમાંથી જોડાઈ જાઓ
દર મહિને 5000 રુપિયાનું માસિક પેન્શન મળશે
18થી 40 વર્ષનો કોઈપણ ભારતીય નાગરિક રોકાણ કરી શકે
18થી 40 વર્ષનો કોઈ પણ વ્યક્તિ મેળવી શકે છે લાભ
એક કપ ચાની કિંમતથી પણ ઓછી રકમ એકત્ર કરીને તમે દર મહિને 5000 રુપિયા મેળવી શકશો એટલે દર વર્ષે 60,000 રુપિયા. મોદી સરકારની અટલ પેન્શન યોજનાની શરુઆત આમ તો અસંગઠિત ક્ષેત્રોમાં કામ કરનાર લોકો માટે કરવામાં આવી હતી પણ હવે તેમાં 18થી 40 વર્ષનો કોઈપણ ભારતીય નાગરિક રોકાણ કરીને પેન્શનનો લાભ મેળવી શકે છે.
મહિને 210 રુપિયા જમા કરાવવાને રહેશે
અટલ પેન્શન યોજનાનો વધુમાં વધુ લાભ ઉઠાવવા માટે તમારે તેમાં જલ્દી જોડાવુ પડશે. જો તમે 18 વર્ષની ઉંમરમાં અટલ પેન્શન યોજનમાંથી જોડાઈ જાઓ છો તો તમારે રોજનાં 7 રુપિયા જમા કરીને પ્રતિ મહિને 5000 રુપિયાનું પેન્શન મેળવી શકો છો. જેનાં માટે મહિને 210 રુપિયા જમા કરાવવાને રહેશે. 60 વર્ષની ઉંમર બાદ તમને દર મહિને 5000 રુપિયાનું માસિક પેન્શન મળશે. દર મહિને 1000 રુપિયાનું પેન્શન મેળવવા માટે મહિને 42 રુપિયા જમા કરવા પડશે. જ્યારે 2000 રુપિયાનું પેન્શન મેળવવા માટે 84 રુપિયા, 3000નું પેન્શન મેળવવા માટે 126 રુપિયા અને 4000નું પેન્શન મેળવવા માટે 168 રુપિયા જમા કરાવવા પડશે.
મે 2015માં કરી હતી સ્કીમની શરુઆત
જેની પાસે બેંક કે પોસ્ટ ઓફિસમાં એકાઉન્ટ છે તે આ યોજનામાં 18થી 40 વર્ષનો કોઈ પણ વ્યક્તિ બચત કરીને પેન્શનનો લાભ લઈ શકે છે. આ યોજનામાં 60 વર્ષ બાદ જમાકર્તાઓને પેન્શન મળવાનું શરુ થઈ જાય છે. આ સ્કીમમાં પેન્શનની રકમ તમારા દ્વારા કરવામાં આવેલ બચત અને તેની ઉંમર પર નિર્ભર કરે છે. આ સ્કીમમાં ઓછામાં ઓછી 1000 અને વધુમાં વધુ 5000 સુધીનું પેન્શન મળી શકે છે. કેન્દ્ર સરકારે આ યોજનાની શરુઆત મે 2015માં કરી હતી. આ પેન્શન યોજના માટે તમે રજિસ્ટ્રેશન કરવા ઇચ્છો છો તો તમારી પાસે બચત ખાતુ, આધાર નંબર અને મોબાઈલ નંબર હોવો જોઈએ.