આધારની સાથે તમારા મોબાઇલ નંબર અને ઇમેલનું વેરિફિકેશન કરવાનું જરૂરી છે. જો તમે અત્યાર સુધી આમ નથી કર્યુ તો જલ્દીથી કરી લો. UIDAI એ આધારમાં મોબાઇલ નંબર અને ઇમેલ વેરિફિકેશનની પ્રોસેસ સરળ કરી દીધી છે.
તમે m-aadhaar ની મદદથી તમે સરળતાથી મોબાઇલ નંબર અને ઇમેલ વેરિફાઇ કરી શકશો. આ એપમાં તમે વેરિફાઈ ઈ-મેલ અને મોબાઈલનો ઓપ્શન દેખાશે, જેના પર ક્લિક કરીને મોબાઈલ અને ઈ-મેલ વેરિફિકેશનની પ્રક્રિયા પૂર્ણ કરી શકો છો.
આધાર યુઝર્સની સમસ્યાને દૂર કરવા માટે યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) એ 'Ask Aadhaar Chatbot'લોન્ચ કર્યું છે. તેના દ્વારા યુઝર્સ આધાર સાથે સંકળાયેલી તેમની ફરિયાદો અને સવાલના જવાબ મેળવી શકે છે. આ ચેટ ઈન્ટરફેસની જેમ કામ કરે છે. તે સવાલના જવાબ આર્ટિફિશિયલ ઈન્ટેલિજન્સ (AI)ની મદદથી આપશે.
આ સુવિધાનો લાભ લેવા માટે તમારે સૌથી પહેલા UIDAIની ઓફિશિયલ વેબસાઈટ (https://uidai.gov.in/) પર જવુ પડશે. અહીં તમારે ‘ASK’ આધાર નામનું આઈકન દેખાશે. તેના પર ક્લિક કર્યા બાદ ઈનપુટ ફીલ્ડ ઓપન થઈ જશે, તેમાં તમે તમારા સવાલના જવાબ નાખી શકો છો.
ઉલ્લેખનીય છે કે, 31 માર્ચ સુધી આધાર- PAN ને લિંક કરવુ જરૂરી છે. જો લિંક કરવામાં આવશે નહી તો તમારું PAN કાર્ડ રદ્દ થઇ જશે. જો તમે અત્યાર સુધી આધાર-પાન લિંક નથી કરાવ્યું તો ફટાફટ તેને લિંક કરાવી લો. તેને લિંક કરાવવા માટે તમારે કંઇ જવાની જરૂર નથી, તમે ઓનલાઈન પણ આધાર-PAN લિંક કરાવી શકો છો.