કામની વાત / આવું કાર્ડ યુઝ કરશો તો ઓનલાઈન ટ્રાન્ઝેક્શનમાં નહીં થાય કોઈ જ ફ્રોડ, બચી જશો નુકસાનથી

• બેંક ફ્રોડથી બચાવવા ગ્રાહકોને આપે છે આ ખાસ સુવિધા
• ઓનલાઈન ટ્રાન્ઝેક્શન થઈ જશે સુરક્ષિત
• ઓનલાઈન શોપિંગ માટે આવા કાર્ડનો કરો ઉપયોગ

વર્ચ્યુઅલ કાર્ડ એક ઈલેક્ટ્રોનિક કાર્ડ અથવા ઈ-કાર્ડ છે. જેનો ઉપયોગ ઓનલાઈન શોપિંગ માટે કરવામાં આવે છે. દેશની સૌથી મોટી બેંક એસબીઆઈ પણ તેના ગ્રાહકો માટે વર્ચ્યુઅલ કાર્ડ ઉપલબ્ધ કરાવે છે. જે બેંક વેબસાઈટ વિઝા અથવા માસ્ટરકાર્ડને એક્સેપ્ટ કરે છે તે આ કાર્ડને પણ મંજૂરી આપશે. 

વર્ચ્યુઅલ કાર્ડમાં એકાઉન્ટની જાણકારી આપવી પડતી નથી

આ કાર્ડ ઓનલાઈન ટ્રાન્ઝેક્શન કરવા માટે સરળ અને સપક્ષિત રીત છે. જેમાં વેપારીને પ્રાઈમરી કાર્ડ અથવા એકાઉન્ટની જાણકારી આપવાની જરૂર નથી. જેથી આમાં છેતરપિંડી થવાની સંભાવના ઓછી રહે છે. 

વર્ચ્યુઅલ કાર્ડના ફીચર

• આ એક સિંગલ કાર્ડ છે જેનો તમે એકવાર ઉપયોગ કરી શકો છો. એસબીઆઈના વર્ચ્યુઅલ કાર્ડધારક શોપિંગ માટે નેટ બેંકિંગથી ચૂકવણી કરી શકે છે. 
• ઓનલાઈન ટ્રાન્ઝેક્શન માટે એસબીઆઈના વર્ચ્યુઅલ કાર્ડને કાર્ડધારકના રજિસ્ટર્ડ મોબાઈલ નંબર પર ઓટીપી મોકલી વેરિફાઈ કર્યા બાદ ઓથોરાઈઝ્ડ કરવામાં આવશે. 
• આ કાર્ડ 48 કલાક માટે માન્ય રહે છે. વર્ચ્યુઅલ કાર્ડમાંથી લઘુત્તમ 100 રૂપિયા અને મહત્તમ 50 હજાર રૂપિયા સુધીનું ટ્રાન્ઝેક્શન કરી શકાય છે. 
• આ કાર્ડમાં જો છેતરપિંડી થાય તો તેમાં રિચાર્જ કરેલાં પૈસા પર જ ખતરો રહે છે. 
• ઓનલાઈન ટ્રાન્ઝેક્શન માટે વર્ચ્યુઅલ કાર્ડ ઘણીવખત મેળવી શકાય છે. કાર્ડ એક્સપાયર અથવા કેન્સલ થઈ જવા પર તેમાં જમા રકમ પાછી મળી જશે. 

આ રીતે બનાવો વર્ચ્યુઅલ કાર્ડ

• સૌથી પહેલાં એસબીઆઈની ઓફિશિયલ વેબસાઈટ પર જઈ ઓનલાઈન બેંકિંગ લોગઈન કરો
• ત્યારબાદ e-Card ઓપ્શન પર ક્લિક કરો. 
• પછી generate virtual card ઓપ્શન પર ક્લિક કરો. 
• ત્યારબાદ શરતો અને નિયમો પર ક્લિક કરી generate પર ક્લિક કરો. 
• પછી તમારા કાર્ડની ડિટેલ્સ આપવી પડશે. જેમ કે, કાર્ડધારકનું નામ, ડેબિટ કાર્ડ નંબર અને વર્ચ્યુઅલ કાર્ડ લિમિટ. 
• ટ્રાન્ઝેક્શનને પ્રમાણિત કરવા માટે બેંક કાર્ડધારકના રજિસ્ટર્ડ મોબાઈલ નંબર પર ઓટીપી મોકલશે. 
• ઓટીપી એન્ટર કર્યા બાદ Confirm પર ક્લિક કરો. 
• પછી વર્ચ્યુઅલ કાર્ડની ઈમેજ સ્ક્રીન પર દેખાશે. જેમાં કાર્ડ નંબર, એક્સપાયરી ડેટ સામેલ હશે. 
• હવે તમારું વર્ચ્યુઅલ કાર્ડ બનીને તૈયાર છે. તમે ઈ-કોમર્સ ટ્રાન્ઝેક્શન માટે તેનો ઉપયોગ કરી શકો છો.