જો તમને તમારા Aadhar Cardમાં આપવામાં આવેલો ફોટો પસંદ નથી તો તમે સરળ ઓનલાઈન પ્રોસેસથી તેને બદલાવી શકો છો. તો જાણો શું છે ખાસ પ્રોસેસ.
Aadhar Cardમાં કરી લો ફેરફાર
આ છે સરળ ઓનલાઈન પ્રોસેસ
આધારમાં ફોટો બદલવા માટે કરી લો આ સ્ટેપ્સ ફોલો
આધાર કાર્ડ આજે ખૂબ જ જરૂરી બન્યું છે. આ સાથે તે સરકારીથી લઈને પર્સનલ સંસ્થામાં પણ ડોક્યુમેન્ટના રૂપમાં કામ કરે છે. પરંતુ અનેક લોકો આધાર પર લાગેલા ફોટોથી ખુશ હોતા નથી. તમે પણ તમારા આધારના ફોટોથી ખુશ નથી તો તમે તેને જાતે જ સરળ પ્રોસેસથી બદલાવી શકો છો.
UIDAI ફોટો અપડેટ કરવાની આપે છે પરમિશન
UIDAI આધાર કાર્ડ ધારકોને આધાર પર લાગેલો ફોટો અપડેટ કરવાની પરમિશન આપે છે. અહીં અમે તમને આધારમાં ફોટો બદલવાની પ્રોસેસ જણાવી રહ્યા છીએ. કાર્ડ ધારકો પોતાના નજીકના નામાંકન કેન્દ્ર પર જઈને પણ તેને ચેન્જ કરાવી શકે છે. જો તમે ઓનલાઈન આ કામ કરવા ઈચ્છો છો તો જાણો શું છે આ માટેની પ્રોસેસ.
આધાર કાર્ડમાં સરળતાથી ફોટો બદલવા માટે આ સ્ટેપ્સ ફોલો કરો
સૌ પ્રથમ UIDAIની ઓફિશિયલ વેબસાઇટ uidai.gov.in પર Get Aadhaar સેક્શનમાં જઈને આધાર આધાર નોંધણી / અપડેટ ફોર્મ ડાઉનલોડ કરો.
આ પછી ફોર્મ ભરીને આધાર નોંધણી કેન્દ્રમાં જઈને સબમિટ કરો.
એ પછી તમારી બાયોમેટ્રિક ડિટેલ્સ ફરીથી નોંધણી કેન્દ્રમાં લેવામાં આવશે.
તમારા આધારની જાણકારી અપડેટ કરવા માટે તમારે 25 રૂપિયા+જીએસટી ફી ચૂકવવી પડશે.
તમારો ફોટો અપડેટ કરવાની અરજી સ્વીકારતાની સાથે જ તમને યુઆરએન અથવા અપડેટ વિનંતી નંબર મળશે.
આ નંબર દ્વારા તમે તમારી એપ્લિકેશનને ઓનલાઇન ટ્રેક કરી શકો છો.
જરૂરી ડેટા યુઆઇડીએઆઇ કોર્પોરેટ ઓફિસને મોકલવામાં આવશે. તમને લગભગ 90 દિવસમાં અપડેટ કરેલા ફોટા સાથે એક નવું આધાર કાર્ડ મળશે.