ફેરફાર / આધાર ધારકો માટે કામના સમાચાર, આધારમાં આ ખાસ ચેન્જિસ કરાવવા હોય તો જાણી લો સરળ પ્રોસેસ

• આધારમાં રહેલો ફોટો પસંદ ન હોય તો કરો આ કામ
• બધાં માટે આધાર નંબર એક મહત્વપૂર્ણ ડોક્યૂમેન્ટ છે
• સરળ સ્ટેપ્સ ફોલો કરી બદલી શકાય છે આધારમાં રહેલો ફોટો

ભારતના દરેક નાગરિકની ઓળખ માટે આધાર નંબર એક મહત્વપૂર્ણ ડોક્યૂમેન્ટ છે. કેન્દ્ર સરકાર દ્વારા ભારતના નાગરિકને 12 અંકનો ખાસ ઓળખ નંબર આપવામાં આવે છે. જેમાં વ્યક્તિનું નામ, સરનામું, મોબાઈલ નંબર, ફોટો અને તેની બાયોમેટ્રિક માહિતી પણ સામેલ હોય છે. ઘણી સરકારી યોજનાઓમાં આધાર કાર્ડ લિંક કરાવવાનું હોવાથી ફરજિયાત થઈ ગયું છે અને એટલે જ જરૂરી છે કે તેમાં આપેલી બધી જ માહિતી અપડેટેડ હોય. પણ જો તમને તમારા આધારમાં રહેલો ફોટો પસંદ નથી તો તમે આ સરળ પ્રોસેસથી તેને બદલી શકો છો. 

UIDAI અગાઉ આધાર કાર્ડમાં નામ, સરનામું, મોબાઇલ નંબર તેમજ ફોટોગ્રાફ અપડેટ કરવા માટે ઓનલાઇન સુવિધા ઉપલબ્ધ કરાવતું હતું, પરંતુ હવે ઓનલાઇન પ્રક્રિયા ફક્ત સરનામું બદલવા માટે જ ઉપલબ્ધ છે. નામ, મોબાઇલ નંબર, જન્મ તારીખ, ઈ-મેલ એડ્રેસ અને ફોટોગ્રાફ જેવા અન્ય ફેરફારો માટે તમારે ઓફલાઇન પ્રક્રિયા ફોલો કરવી પડશે. જેમાં ફોટો ચેન્જ કરાવવા માટે બે વિકલ્પો છે. પહેલું એ કે નજીકના નોંધણી કેન્દ્ર પર જઈ શકો છો અને બીજો પોસ્ટ દ્વારા ફોટોગ્રાફમાં ફેરફાર માટે અરજી કરી શકો છો.

આધાર ફોટો બદલવા માટે આ સ્ટેપ્સ ફોલો કરો

• સૌ પ્રથમ યુઆઈડીએઆઇની સત્તાવાર વેબસાઇટ uidai.gov.in પર Get Aadhaar સેક્શનમાં જઈને આધાર આધાર નોંધણી / અપડેટ ફોર્મ ડાઉનલોડ કરો.
• આ પછી ફોર્મ ભરીને આધાર નોંધણી કેન્દ્રમાં જઈને સબમિટ કરો.
• એ પછી તમારી બાયોમેટ્રિક ડિટેલ્સ ફરીથી નોંધણી કેન્દ્રમાં લેવામાં આવશે.
• તમારા આધારની જાણકારી અપડેટ કરવા માટે તમારે 25 રૂપિયા+જીએસટી ફી ચૂકવવી પડશે.
• તમારો ફોટો અપડેટ કરવાની અરજી સ્વીકારતાની સાથે જ તમને યુઆરએન અથવા અપડેટ વિનંતી નંબર મળશે.
• આ નંબર દ્વારા તમે તમારી એપ્લિકેશનને ઓનલાઇન ટ્રેક કરી શકો છો.
• જરૂરી ડેટા યુઆઇડીએઆઇ કોર્પોરેટ ઓફિસને મોકલવામાં આવશે. તમને લગભગ 90 દિવસમાં અપડેટ કરેલા ફોટા સાથે એક નવું આધાર કાર્ડ મળશે.