નિયમ / Aadhaar Cardમાં હવે કોઈ પણ ડોક્યૂમેન્ટ વિના અપડેટ કરાવી શકશો આ માહિતી, જાણો UIDAIનો નવો નિયમ

• UIDAIએ  ટ્વિટ કરીને જાણકારી આપી
• આધાર કાર્ડમાં મોબાઈલ નંબર કરાવવાનું થયું સરળ
• કોઈ પણ ડોક્યૂમેન્ટ વિના થશે મોબાઈલ નંબર અપડેટ

આજકાલ આધાર કાર્ડ એક જરૂરી ડોક્યૂમેન્ટ બન્યું છે. એવામાં જો તમે તેમાં અપડેટ કરવા માટે મુશ્કેલી અનુભવો છો તો હવે તમે આ સરળ પ્રક્રિયાની મદદ લઈ શકો છો. હવે તમારે Aadhaar Cardમાં મોબાઈલ નંબર અપડેટ કરાવવા માટે કોઈ ડોક્યૂમેન્ટની જરૂર રહેશે નીં. આ પ્રક્રિયા હવે સરળ બની છે. તમે મિનિટોમાં ઘરે બેઠા આ કામ કરી શકો છો. 

મિનિટોમાં થશે આ કામ

UIDAIએ  ટ્વિટ કરીને જાણકારી આપી છે કે હવે આધાર કાર્ડમાં મોબાઈલ નંબર અપડેટ કરવા માટે કોઈ ડોક્યૂમેન્ટની જરૂર રહેશે નહીં. તમારે ફક્ત Aadhaar Card લઈને આધાર સેવા કેન્દ્ર પર જવાનું છે અને મોબાઈલ નંબર અપડેટ કરાવવાનો છે. આ સાથે Aadhaar Card ધારકે અન્ય વિવરણના અપડેટમાં પણ ફેરફાર કરાવવો હોય તો થઈ શકે છે. બાયોમેટ્રિક કે ઈમેલને પણ તમે અપડેટ કરાવી શકો છો. 

આ છે સરળ પ્રોસેસ

• Aadhaar Cardના લાભ અને ઓનલાઈન સેવાઓનો લાભ લેવા માટે તમારે મોબાઈલ નંબર  UIDAIની પાસે રજિસ્ટર્ડ કરાવવાનો રહે છે. 
• જો તમે તમારા આધાર કાર્ડમાં ઓનલાઈન રીતે સુધારો ઈચ્છો છો તો તમારું આધાર કાર્ડ મોબાઈલ નંબર સાથે લિંક હોવું જરૂરી છે. 
• આ સાથે ઈ-આધારની પણ કોપી ડાઉનલોડ કરી શકાય છે જેને ઓટીપીની મદદથી ચકાસવામાં આવે છે. 
• 1947 પર કોલ કરીને પણ તમે જાણી શકો છો કે નંબર અપડે માટે તમે જે રિકવેસ્ટ મોકલી હતી તેનું સ્ટેટસ શું છે.
• આ સિવાય તમે httpsresident.uidai.gov.incheckaadhaar પર ક્લિક કરીને પણ તમારા સ્ટેટસની જાણકારી મેળવી શકો છો. 

આ સુવિધાઓનો પણ લઈ શકો છો લાભ

• તમે આધાર સેવા કેન્દ્ર પર જઈને નામ અપડેટ કરાવી શકો છો. 
• આ સાથે નવા આધાર કાર્ડ માટે આવેદન કરી શકો છો.
• તમે અહીંથી તમારા એડ્રેસમાં ફેરફાર કે તેને અપડેટ પણ કરાવી શકો છો. 
• જો તમે મોબાઈલ નંબર આધાર સાથે લિંક નથી કરાવ્યો તો તે પણ કરાવી શકો છો.
• તમારા આધાર કાર્ડમાં ઈમેલને પણ અપડેટ કરાવી શકો છો અને બર્થ ડેટ પણ અપડેટ કરાવી શકો છો.