Technology / હજુ પણ વિન્ડોઝ 7માંથી વિન્ડોઝ 10માં ફ્રીમાં અપગ્રેડ કરી શકો છો

• માઇક્રોસોફ્ટે 14 જાન્યુઆરીથી તેની કમ્પ્યુટર ઓપરેટિંગ સિસ્ટમ વિન્ડોઝ 7ને સપોર્ટ આપવાનું બંધ કરી દીધું છે
• વિન્ડોઝ 7 યુઝર્સ માટે વિન્ડોઝ 10માં મફત અપગ્રેડ આપ્યું હતું

માઇક્રોસોફ્ટે 14 જાન્યુઆરીથી તેની કમ્પ્યુટર ઓપરેટિંગ સિસ્ટમ વિન્ડોઝ 7ને સપોર્ટ આપવાનું બંધ કરી દીધું છે

પરંતુ આ સુવિધા ફક્ત 29 જુલાઈ, 2016 સુધી ઉપલબ્ધ હતી. જેના કારણે વિન્ડોઝ 10 હોમ પર અપગ્રેડ કરવા માંગતા હો, તો અત્યારે તમારે ઓછામાં ઓછા 9,000 રૂપિયા ચૂકવવા પડે છે. પરંતુ તમને એ જાણીને આશ્ચર્ય થશે કે તમે હજુ પણ વિન્ડોઝ 7 ને વિન્ડોઝ 10માં એક પણ રુપિયો ખર્ચ્યા વિના અપગ્રેડ કરી શકો છો,તે પણ કોઇ થર્ડ પાર્ટી વેબસાઇટ કે સોર્સમાંથી નહીં. તમે તેને માઇક્રોસોફ્ટની ઓફિશિયલ સાઇટ પરથી જ ડાઉનલોડ કરી શકો છો.

કેવી રીતે કરો ડાઉનલોડ?

મજાની વાત એ છે કે વિન્ડોઝ 7 થી વિન્ડોઝ 10 માં અપગ્રેડ કરવાની લિંક હજી પણ માઇક્રોસોફ્ટની વેબસાઇટ પર લાઇવ છે જ્યાંથી તમે તમારા વિન્ડોઝ 7 ને વિન્ડોઝ 10 માં અપગ્રેડ કરી શકો છો. પહેલા આ લિંક પર ક્લિક કરો. આ પછી, તમારા ક્રિએટ વિન્ડોઝ 10 ઇન્સ્ટોલેશન મીડિયાનો વિકલ્પ દેખાશે. હવે નીચે દેખાતા ડાઉનલોડ ટૂલ નાઉ પર ક્લિક કરો અને રન કરો. તે પછી તમે હવે અપગ્રેડ પીસી પર ક્લિક કરો. આ પછી જે પ્રમાણે વેબસાઇટ કમાન્ડ આપે તેને ફોલો કરતાં જાવ. હવે અપગ્રેડ પૂર્ણ થયા પછી, સેટિંગ્સ અને સિકયોરિટી ઓપ્શન ઓપન કરો. આ પછી તમને લાઇસન્સ કોડ પૂછવામાં આવશે જેમાં તમારે વિન્ડોઝ 7નો લાઇસન્સ કોડ દાખલ કરવો પડશે.