કમાણી / નાના રોકાણ સાથે દર મહિને 1 લાખ કમાવવા હોય તો આ ધંધો ફટાફટ શરૂ કરી દો, સરકાર પણ કરે છે મદદ

• સારી કમાણી કરવી હોય તો શરૂ કરો આ બિઝનેસ
• આ બિઝનેસમાં તમે મહિને 50 હજાર કમાઈ શકો છો
• આ વસ્તુની છે ભારે ડિમાન્ડ

જો તમે બિઝનેસ માટે કૃષિ ક્ષેત્રમાં પોતાનું નસીબ અજમાવવા માંગો છો તો તમે પોલ્ટ્રી ફાર્મિંગ એટલે કે મરઘી પાલનનો બિઝનેસ શરૂ કરી શકો છો. તમે ઓછાંમાં ઓછું 5થી 9 લાખ રૂપિયામાં આ કામ શરૂ કરી શકો છો. જો નાના સ્તરે એટલે કે 1500 મરઘી સાથે ફાર્મિંગ શરૂ કરશો તો તમે 50 હજારથી 1 લાખ રૂપિયા સુધીની કમાણી દર મહિને થઈ શકે છે.

કેટલો ખર્ચ થશે

સૌથી પહેલા જગ્યા, પિંજરા અને વિવિધ સાધનો પાછળ આશરે 5થી 6 લાખ રૂપિયા ખર્ચ કરવા પડશે. 1500 મરઘીઓના ટાર્ગેટ સાથે કામ શરૂ કરો તો તેમાં 10 ટકા બચ્ચા ખરીદવા પડશે. કારણ કે બીમારીને કારણે મરઘીઓના મોત થવાનો ખતરો રહેલો છે.

ઇંડાથી થશે જોરદાર કમાણી 

દેશમાં ઇંડાના ભાવ વધવા લાગ્યા છે. અત્યારે એક ઈંડુ 7 રૂપિયામાં વેચાઈ રહ્યું છે. ઈંડાના ભાવ સતત વધવાની સાથે જ મરઘી પણ ખૂબ કિંમતી થઈ ગઈ છે.

મરઘી ખરીદવાનું બજેટ 50 હજાર રૂપિયા

તમારે મરઘીઓની ખરીદી કરવા માટે 50 હજાર રૂપિયાનું બજેટ રાખવું પડશે. તેમના ઉછેર માટે અલગ અલગ પ્રકારનો ખોરાક આપવો પડે છે. સાથે જ દવા પાછળ પણ ખર્ચ કરવો પડે છે.

વાર્ષિક 30 લાખની કમાણી કરી શકાય છે

સતત 20 અઠવાડિયા સુધી મરઘીઓને ખાવાનું આપવા માટે તમારે 1થી 1.5 લાખ રૂપિયા ખર્ચ કરવા પડશે. એક લેયર પેરેન્ટ બર્ડ એક વર્ષમાં લગભગ 300 ઇંડા આપે છે. 20 અઠવાડિયા બાદ મરઘી ઇંડા આપવા લાગે છે. આખું વર્ષ તે ઇંડા આપે છે. 20 અઠવાડિયા બાદ તેના ખાવા-પીવાના ખર્ચ પાછળ આશરે ત્રણથી ચાર લાખ રૂપિયાનો ખર્ચ આવે છે. એવામાં 1,500 મરઘી 290 ઇંડા લેખે પ્રતિ વર્ષ સરેરાશ 4,35,000 ઇંડા આપે છે. તેમાંથી 35 હજાર ઇંડા વેસ્ટ જાય તો પણ ચાર લાખ ઇંડા બચે છે. એક ઇંડું 5-7 રૂપિયા પ્રતિ નંગ વેચાય છે. એટલે કે વર્ષે ફક્ત ઇંડા વેચીને જ તમે મોટી કમાણી કરી શકો છો.

સરકાર તરફથી મદદ મળશે

પોલ્ટ્રી ફાર્મના બિઝનેસ લોન પર સબસિડી આશરે 25 ટકા હોય છે. સાથે જ આ સબસિડી એસસી-એસટી કેટેગરીને પ્રોત્સાહિત કરવા માટે 35 ટકા સુધી હોઈ શકે છે. તમને જણાવી દઈએ કે આ વ્યવસાયની વિશેષતા એ છે કે તેમાં થોડી રકમનું રોકાણ કરવું પડશે અને બાકીની બેંકમાંથી લોન મળશે.