તમારા કામનું / એક જ મોબાઈલ નંબરથી બનાવી શકશો આખા પરિવારનું આધાર પીવીસી કાર્ડ

• એકજ મોબાઈલથી પરિવારનાં બધા સભ્યોનું પીવીસી કાર્ડ નીકળશે
• 50 રુપિયામાં નિકળે આધાર પીવીસી કાર્ડ
• ઓનલાઈન પણ ઓર્ડર કરી શકશો

નોન રજિસ્ટર્ડ નંબરથી પણ મેળવી શકાશે પીવીસી કાર્ડ

હવે UIDAIની નવી સુવિધા અંતર્ગત પરિવારનો કોઈ પણ વ્યક્તિ બધા સભ્યો માટે એક મોબાઈલ નંબર વાપરીને પીવીસી કાર્ડ બનાવી શકે છે. UIDAIએ હવે નોન રજિસ્ટર્ડ મોબાઈલ નંબર પર પણ ઓટીપીની સુવીધા આપી છે. જેથી પરિવારનો કોઈ પણ સભ્ય બાકીનાં સભ્યોનાં પીવીસી કાર્ડ માટે ઓર્ડર આપી શકે છે. પણ નોન રજિસ્ટર્ડ નંબર પર તેનું પ્રિવ્યૂ જોવાની સુવીધા નહીં મળે પણ રજિસ્ટર્ડ મોબાઈલ પર તે સુવીધા મેળવી શકાશે.

આવી રીતે બનશે આધાર પીવીસી કાર્ડ
-નવા આધાર પીવીસી કાર્ડ માટે તમારે UIDAIની વેબસાઈટ પર જવું
-જ્યાં માય આધાર સેક્શનમાં જઈને ઓર્ડર આધાર પીવીસી કાર્ડ પર ક્લિક કરો
-ત્યારબાદ તમારા આધારનો 12 ડિજિટનો નંબર અથવા 16 ડિજિટનો વર્ચ્યુઅલ આઈડી કે 28 ડિજિટનો આધાર એનરોલમેન્ટ આઈડી નાંખો.
-હવે તમે સિક્યોરિટી કોડ કે કેપ્ચા ભરો અને ઓટીપી માટે સેન્ડ ઓટીપી પર ક્લિક કરો
-હવે તમને આધાર પીવીસી કાર્ડનો એક પ્રીવ્યૂ જોવા મળશે.
-ત્યારબાદ તમે નીચે આપવામાં આવેલ પેમેન્ટ ઓપ્શન પર ક્લિક કરો.
-પેમેન્ટ પેજ પર ગયા બાદ તમારે 50 રુપિયા ફી જમા કરાવવી પડશે.
-પેમેન્ટ પૂરુ કર્યાં બાદ તમારા આધાર પીવીસી કાર્ડના ઓર્ડરની પ્રોસેસ પૂરી થઈ જશે.
-આખી પ્રોસેસ પૂરી થયા બાદ UIDAI પાંચ દિવસમાં આધાર પ્રિન્ટ કરીને ભારતીય ડાકને સોંપશે અને ડાક વિભાગ સ્પીડ પોસ્ટથી કાર્ડ તમારા ઘરે પહોંચાડશે.

સિક્યોરિટી ફિચર્ચથી ભરપૂર છે

આધાર પીવીસી કાર્ડ સંપૂર્ણરીતે વેધર પ્રૂફ, શાનદાર પ્રિન્ટ અને લેમિનેટેડ છે. હવે તમે તેને દરેક જગ્યાએ લઈ જઈ શકશો. તેની ચિંતા કર્યા વગર હવે તમે તેને વરસાદમાં પણ સાથે રાખી શકશો. તમારા આધાર પીવીસીને હવે ઓનલાઇન ઓર્ડર કરીને મંગાવી શકશો. પ્લાસ્ટીક કાર્ડનાં રુપમાં નવુ આધાર વધારે ટકાઉ છે જોવામાં આકર્ષક છે અને લેટેસ્ટ સિક્યોરિટી ફિચર્સથી ભરપૂર છે. સિક્યોરિટી ફિચર્સમાં હોલોગ્રામ, ગિલોચ પેટર્ન, ઘોસ્ટ ઈમેજ અને માઇક્રોટેક્સ્ટ હશે.

કિંમત આટલી રાખવામાં આવી છે 

ડેબિટ-ક્રેડિટ કાર્ડની જેમ દેખાતુ આ નવુ આધાર મોંઘુ નથી. UIDAIએ સામાન્ય લોકોની સુવીધાને ધ્યાનમાં રાખીને તેની ફી ફક્ત 50 રુપિયા રાખી છે. વિશેષજ્ઞોનું કહેવુ છે કે તેને સરળતાથી તમે તમારા ખીસ્સામાં મુકી શકશો અને તેની જે ફી છે તે પણ વધારે મોંઘી નથી.