NHAI પ્રીપેડ વોલેટની સાથે જોડાયેલા ફાસ્ટેગ યુઝર્સના બેલેન્સ સંબંધિત જાણકારી માટે NHAI સાથે સંબંધિત કંપની IHMCLએ મિસ્ડ કોલની સુવિધા શરૂ કરી છે. જો તમે પોતાનો મોબાઈલ નંબર રજિસ્ટર કરાવેલો હશે તો તમારે ફક્ત એક મિસ્ડ કોલ કરવાનો છે.
કરો ફક્ત 1 મિસ્ડ કોલ
જાણી શકશો ફાસ્ટેગનું બેલેન્સ, ઈન્ટરનેટની પણ નહીં રહે જરૂર
રજિસ્ટર્ડ મોબાઈલ નંબરથી 91-8884333331 આ નંબર પર કરો મિસ્ડ કોલ
ફાસ્ટેગ વપરાશકર્તાઓ સરળતાથી બેલેન્સની માહિતી મેળવી શકે છે. NHAI સંબંધિત કંપની IHMCLએ મિસ્ડ કોલની સુવિધા શરૂ કરી છે. ફાસ્ટેગ ગ્રાહકો કે જેમણે પોતાનો મોબાઇલ નંબર નોંધાવ્યો છે તેઓ તેમના મોબાઇલ નંબર પરથી 91-8884333331 પર મિસ્ડ કોલ આપીને તેમના NHAI પ્રીપેઇડ વોલેટનું બેલેન્સ જાણી શકે છે.
ફક્ત NHAI ફાસ્ટેગની સાથે જોડાયેલા ગ્રાહકો માટે છે આ સુવિધા
આ નંબર 24 કલાક કામ કરશે. દરેક મોબાઈલ ઓપરેટરોને આ સુવિધા મળે છે. આ માટે ઈન્ટરનેટની પણ જરૂર રહેશે નહીં. જો NHAI પ્રીપેડ વોલેટથી એકથી વધુ વાહનો સંકળાયેલા છે તો દરેક વાહન પર લાગેલા ટેગ્સનું બેલેન્સ તમે જાણી શકશો. જો કોઈ વાહનના ફાસ્ટેગમાં બેલેન્સ ઓછું છે તો રજિસ્ટર્ડ મોબાઈલ નંબર પર એર અલગ એસએમએસ મોકલવામાં આવશે. ફક્ત NHAI ફાસ્ટેગની સાથે જોડાયેલા ગ્રાહકો માટે આ સુવિધા છે.
25 ટકાની છૂટ બંધ
નેશનલ હાઈવે પર કેશલેનથી 24 કલાકની અંદર આવનારી અને જનારી ટોલ પર મળનારી લગભગ 25 ટકાની છૂટ NHAIએ બંધ કરી છે. આ સિવાય અપ-ડાઉન ટ્રાવેલની સાથેની ચિઠ્ઠી પણ બંધ થઈ છે. ટોલ પ્લાઝાના 10થી 20 કિલોમીટરની અંદર રહેનારાને છૂટ માટે ફાસ્ટેગ લગાવડાવવાનું રહેશે.