તમારા કામનું / જો તમારો ક્રેડિટ સ્કોર શૂન્ય છે, તો પણ તમને મળી શકે છે લોન, જાણો કેવી રીતે થશે શક્ય

• તમારા વ્યવસાયનાં આધારે પણ સરળતાથી લોન મેળવી શકો છો
• ક્રેડિટ સ્કોર 750 હોય તો લોન સરળતાથી મળે છે
• બેન્ક સ્ટેટમેન્ટનાં આધારે પણ લોન મળશે કે નહીં તે નક્કી થાય છે

ક્યારેય લોન ના લીધી હોય તો તમારુ ક્રેડિટ સ્કોર શૂન્ય હોઈ શકે
સિબિલ સ્કોર 300થી 900ની વચ્ચેનો એક નંબર હોય છે. જે ફાઇનાન્સ સંસ્થાઓની સાથે તમારી લેવડ દેવડ પર આધારિત હોય છે. સિબિલ સ્કોર જેટલો ઉંચો હશે લોન મળવાની શક્યતા એટલી જ વધારે હશે અને નિયમો પણ સરળ બની જશે. જોકે તમે પહેલા ક્યારેય લોન કે ક્રેડિટ કાર્ડ નથી લીધાં તો તમારુ ક્રેડિટ સ્કોર શૂન્ય હોઈ શકે છે. જો ક્રેડિટ બ્યૂરો પાસે રહેલી તમારી ક્રેડિટ હિસ્ટ્રી છ મહિનાથી ઓછા સમયની છે તો ક્રેડિટ સ્કોર 1 પણ હોઈ શકે છે. 
લોન સમયસર ચૂકવશે કે નહીં તે ચકાસવામાં આવે છે
નવા ઉધારકર્તાઓ માટે સિબિલ એકથી પાંચની વચ્ચે સ્કોર આપે છે, સ્કોર ઓછો હોવાને લીધે લોન આપનારની દૃષ્ટિએ લોન આપવાનું જોખમ વધી જાય છે. ટેક્સ અને નિવેશ વિશેષજ્ઞ બળવંત જૈન અનુસાર, ગ્રાહકને કોઈ પણ ક્રેડિટ સુવિધા પ્રદાન કરતા પહેલા લોન આપનાર એ સંતુષ્ટી કરે છે કે લોન લેનાર લોનને નિયત સમય પર ચુકવશે કે નહીં. ક્રેડિટ ઈન્ફોર્મેશન બ્યુરો ક્રેડિટ સ્કોરનાં માધ્યમથી લોન આપનારની આ સમસ્યાનું નિરાકરણ કરે છે. ક્રેડિટ ઈન્ફોર્મેશન બ્યૂરો લોન ધારકનાં ભૂતકાળમાં કરવામાં આવેલ ક્રેડિટનાં વ્યવહારનાં આધાર પર ક્રેડિટ સ્કોર જાહેર કરે છે, જેનાથી લોન આપનારને ગ્રાહકનાં ડિફોલ્ટ હોવાની શક્યતાઓની જાણ થઈ જાય છે. ક્રેડિટ સ્કોર વિભિન્ન માપદંડોની મદદથી સોફ્ટવેર દ્વારા તૈયાર કરવામાં આવે છે. જે ગ્રાહકનો ક્રેડિટ સ્કોર 750થી વધારે હોય છે તેને લોન મેળવવામાં સરળતા રહે છે.

ક્રેડિટ હિસ્ટ્રી વગના વ્યક્તિને પણ લોન મળશે
શું ક્રેડિટ હિસ્ટ્રી વગરનાં વ્યક્તિને પણ લોન મળી શકે છે. તેનાં પર વાત કરતા જૈને કહ્યું કે, આ પહેલા મુરઘી આવી કે ઈંડુ તેવી સમસ્યા છે. કોઈ વ્યક્તિની ક્રેડિટ હિસ્ટ્રી ત્યારે બની શકે છે ત્યારે તેને કોઈ સિસ્ટમમાંથી તેને ક્રેડિટ મળી હોય અને સિસ્ટમ ત્યાં સુધી કોઈને લોન આપે છે જ્યાં સુધી તેની ક્રેડિટ હિસ્ટ્રીનો ખ્યાલ ના આવે. પણ આ એકમાત્ર માપદંડ નથી જેને જોઈને લોન આપવામાં આવે છે. માટે જ તમારી કોઈ ક્રેડિટ હિસ્ટ્રી નહીં હોય તો પણ તમે લોન મેળવી શકશો. પણ લોન લેનારે ફાઇનાન્સ કંપનીને વધારે ડોક્યુમેન્ટ્સ આપવા પડશે જેનાંથી લોન આપનાર કંપની તમે ઈએમઆઈ ભરપાઈ કરવાની ક્ષમતા અને તમારી મંશા અંગે જાણી શકશે.

શૈક્ષિકય યોગ્યતા પણ લોન માટેનું માપદંડ હોય છે
ક્રેડિટ ઈન્ફોર્મેશન બ્યૂરો વર્ષ 2005 બાદ અસ્તિત્વમાં આવ્યું છે. પણ બેંક ઘણાં દશકાઓથી લોન આપી રહી છે. માટે જો ઉધારકર્તા પાસે કોઈ પણ ક્રેડિટ હિસ્ટ્રી નથી તો પણ તે હોમ લોન મેળવી શકે છે અને આ સ્થિતિમાં ઋણદાતા હોમ લોન આપવા માટે ઉધારકર્તાની યોગ્યતાનાં નિર્ધારણમાં અમુક માપદંડોની મદદ લે છે. આવી પરિસ્થિતિઓમાં તમારી શૈક્ષણિક યોગ્યતા અને જોબ પ્રાફાઈલ મહત્વપૂર્ણ માપદંડ હોય છે. ઉદાહરણ તરીકે જો આપ ડોક્ટર કે સીએ છો તો તમારી નિયમિત ઈન્કમ નક્કી છે. લોન આપનાર કંપની આવા લોકો સાથે સહજ હોય છે. આ ઉપરાંત કોઈ સરકારનાં ઉચ્ચ પદ જેવા કે આઈએએસ અને આઈપીએસને પણ કોઈ ક્રેડિટ હિસ્ટ્રી ના હોવા છતા લોન મળવાની પૂરી શક્યતા છે.

ભાડાનાં મકાનમાં રહેતા વ્યક્તિને પણ હોમ લોન મળી શકે છે
પણ જો તમે કોઈ ઉચ્ચ શૈક્ષણિક યોગ્યતા નથી ધરાવતા તો પણ તમને હોમ લોન મળી શકે છે. આવી સ્થિતિમાં ફાઈનાન્સ કંપની તમારી પાસેથી બેન્ક સ્ટેટમેન્ટ માંગી શકે છે. જે તમે સિસ્ટમેટિક ઈન્વેસ્ટમેન્ટ પ્લાન જેવા રોકાણ કર્યા છે અને તેમાં નિયમિતરુપે ડેબિટની જાણકારી મળે છે તો કંપની તમારી બચતની આદત પર પણ લોન આપવા માટે આશ્વત બને છે. આ ઉપરાંત તમારી બેન્ક સાથેની લેવડ દેવડ, મોબાઈલ બીલ જેવા યુટીલિટી બીલનું ભુગતાન નિયમિતપણે કરો છો કે નહીં તે ચકાસે છે. જો તમે ભાડાનાં મકાનમાં રહો છો તો તમે ભાડુ નિયમિત ભરો છો કે નહીં તે પણ વેરિફાય કરવામાં આવી શકે છે. તમે લોન ચૂકવવા માટે કેટલા સક્ષમ છો તેનાં આધાર પર તમારી ક્રેડિટ હિસ્ટ્રી શૂન્ય હોય તો પણ તમે લોન મેળવી શકો છો.