ઘણી વખત જ્યારે કોઇ અકસ્માત અથવા દુર્ઘટના બને ત્યારે ગાડીનો નંબર નોંધી લઇએ છીએ. વાહનના નંબર દ્વારા એ વાહન અંગેની માહિતી મળી જાય છે.
જોકે હવે તમે ઘરે બેસીને પણ વાહનની જાણકારી સરળતાથી પ્રાપ્ત કરી શકશો. ટ્રાન્સપોર્ટ ડિપાર્ટમેન્ટની સાઇટ પરથી માહિતી મેળવવા ઉપરાંત એક નંબર પર SMS કરીને પણ તમે વાહન માલિકનું નામ, વાહન મોડેલ, પેટ્રોલ કે ડિઝલની ગાડી છે, રજિસ્ટ્રેશનની એક્સપાયરી ડેટ અને ક્યાં સુધી ટેક્સ ભરેલો છે વગેરે માહિતી મેળવી શકો છો.
આ રીતે જાણી શકો છો માહિતી:
- તમે ટ્રાન્સપોર્ટ ડિપાર્ટમેન્ટની સત્તાવાર વેબસાઇટથી વાહનના નંબર દ્વારા તેની સાથે જોડાયેલી માહિતી મેળવી શકો છો.
- ટ્રાન્સપોર્ટ ડિપાર્ટમેન્ટ દ્વારા જાહેર કરાયેલ 7738299899 નંબર પર મોટા અક્ષરોમાં VAHAN લખીને સ્પેસ છોડીને વાહન નબર લખો. વાહન નંબર લખતી વખતે જગ્યા છોડશો નહીં.
- દાખલા તરીકે, VAHAN MP00MY0000 ફોર્મેટમાં લખવાનું છે. ઉપર આપેલા નંબર પર SMS કરતા માત્ર ગણતરીની સેકન્ડમાં વાહનની જાણકારી તમારા મોબાઇલ સ્ક્રીન પર આવી જશે.
નથી મળતુ માલિકના ઘરનું એડ્રેસ:
- તમને જણાવી દઇએ કે, આ સિવાય ઘણી મોબાઇલ એપ છે જે આ પ્રકારની સુવિધા આપે છે. પરંતુ આ તમામ વિકલ્પોમાં માલિકનું નામ, વાહનનુ મૉડલ, પેટ્રોલ ગાડી છે કે ડિઝલ ગાડી, રજિસ્ટ્રેશન (RC)ની એક્સપાયરી ડેટ તથા ટેક્સ ક્યાં સુધી જમા છે તે જાણી શકાય છે. પરંતુ માલિકાના એડ્રેસ નહી જાણી શકાય. જેણે પરિવહન વિભાગ સાર્વજનિક નથી કરતુ.