ટેક્નોલોજી / હવેથી Insta પર પણ મળશે TikTok જેવી ટેક્નોલોજી! આવી રહ્યું છે જોરદાર ફીચર

આ ઈન્ટરનેટના જમાનામાં મોટાભાગના લોકો સોશિયલ મીડિયાનો ઉપયોગ કરી રહ્યા છે. ઘણી સોશિયલ મીડિયા એપ્લિકેશન લોકોમાં જાણીતી છે. જેમાંથી એક ઈન્સ્ટાગ્રામ છે. ઈન્સ્ટાગ્રામ અવાર નવાર નવી નવી સુવિધાઓ આપી રહી છે. ત્યારે હવે ઇન્સ્ટાગ્રામે કેટલાક નવા અપડેટ્સ લોન્ચ કર્યા છે, જેનો હેતુ ટિકટોક વપરાશકર્તાઓને આકર્ષિત કરવાનો છે. જ્યારે TikTok તેના ભવિષ્યને લઈને મુશ્કેલ તબક્કામાંથી પસાર થઈ રહ્યું હોય ત્યારે આ વધુ મહત્વનું છે. 20 જાન્યુઆરીના રોજ, ઇન્સ્ટાગ્રામની પેરેન્ટ કંપની મેટાએ એક નવી વીડિયો ક્રિએશન એપ 'એડિટ્સ' રજૂ કરી, જે કેપકટ જેવી જ દેખાય છે. CapCut એ TikTok ની પેરેન્ટ કંપની Bytedance દ્વારા બનાવેલ એક એપ છે. ઘણા ક્રિએટર્સ તેનો ઉપયોગ TikTok વીડિયો બનાવવા માટે કરે છે.

નવા અપડેટ્સમાં શું બદલાયું છે?

ઇન્સ્ટાગ્રામના વડા એડમ મોસેરીએ તાજેતરમાં આ એપમાં કેટલાક ફેરફારોની જાહેરાત કરી છે.

પ્રોફાઇલ ફોટો ગ્રીડમાં ફેરફાર

ઇન્સ્ટાગ્રામ પર પ્રોફાઇલ ફોટો ગ્રીડમાં તસવીરો હવે ચોરસને બદલે લંબચોરસ તરીકે દેખાશે. આ ફેરફાર TikTok ના પ્રોફાઇલ પેજ જેવો જ છે.

રીલ્સ વીડિયોની લંબાઈ વધી

ઇન્સ્ટાગ્રામે રીલ્સ વીડિયોની મહત્તમ લંબાઈ 90 સેકન્ડથી વધારીને 3 મિનિટ કરી છે. મોસેરીએ જણાવ્યું હતું કે વપરાશકર્તાઓના પ્રતિસાદ પછી આ ફેરફાર કરવામાં આવ્યો છે, કારણ કે ઘણા વપરાશકર્તાઓને લાંબા વીડિયો શેર કરવાની જરૂર લાગી છે. આ ફેરફાર સાથે ઇન્સ્ટાગ્રામ હવે ટિકટોક જેવા જ કન્ટેન્ટ વિકલ્પો પ્રદાન કરશે, જ્યાં લાંબા વીડિયો અપલોડ કરવાનું સામાન્ય બની ગયું છે.

એડિટ્સ એપ

ઇન્સ્ટાગ્રામે એક નવી વીડિયો એડિટિંગ એપ 'એડિટ્સ' લોન્ચ કરી છે, જે વીડિયો બનાવવા માટે ટિકટોકના કેપકટની જેમ કામ કરશે. આ એપ ફેબ્રુઆરીમાં લોન્ચ થશે. તે ખાસ કરીને સોશિયલ મીડિયા ક્રિએટર્સ માટે ડિઝાઇન કરવામાં આવ્યું છે.

શું ટિકટોક બંધ થવાથી ઇન્સ્ટાગ્રામને ફાયદો થશે?

હાલમાં ટિકટોકના ભવિષ્ય વિશે અનિશ્ચિતતા છે. હાલમાં અમેરિકામાં TikTok અને CapCut પર પ્રતિબંધ મૂકવામાં આવ્યો છે. ઇન્સ્ટાગ્રામ આનો કેટલો ફાયદો ઉઠાવી શકે છે તે પછી જોવા મળશે, કારણ કે અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પે પણ ટિકટોકને ફરીથી શરૂ કરવાનો સંકેત આપ્યો છે.

વધુ વાંચો : મેટાનું મોટું એલાન! ટિકટોકને ટક્કર આપતી નવી એપ એડિટ કરી લોન્ચ, ફીચર્સ કમાલના

TikTok બંધ થવાથી વપરાશકર્તાઓ Instagram તરફ વળશે, પરંતુ TikTok પુનઃપ્રારંભ થયા પછી આ અપેક્ષા Instagram માટે સમસ્યાઓ ઊભી કરી શકે છે. આમ છતાં ઇન્સ્ટાગ્રામ તેના પ્લેટફોર્મને વધુ સુધારવામાં વ્યસ્ત છે જેથી ટિકટોક વપરાશકર્તાઓ તેને પસંદ કરે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ