ગાડીમાં માત્ર એવરેજ નહી પરંતુ તેની રેન્જ પણ જોવામાં આવે છે. SUV જેવી ગાડીઓમાં રેન્જનું મહત્વ વધી જાય છે કારણ કે લોકો ગાડીઓનો ઉપયોગ લોન્ગ ડ્રાઇવ માટે પણ કરતા હોય છે. ભારતીય બજારમાં ઘણીએવી SUV ઉપલબ્ધ છે જેમાં એક વખત પેટ્રોલની ટાંકી ફૂલ કરાવો તો 1000 કરતા વધારે કિલોમીટરની યાત્રા કરી શકાય છે. તો ચાલો જાણીએ આવી જ કેટલીક વધુ રેન્જ ધરાવતી SUV વિશે....
મારૂતિ સૂઝુકી એસ-ક્રોસ:
મારૂતિની આ ક્રોસઓવર SUVમાં 1.3 લિટરનું ડિઝલ એન્જિન છે અને આ ગાડી 25.1 કિલોમીટર પ્રતિલિટરની એવરેજ આપે છે. આ ગાડીમાં 48 લિટરની ક્ષમતા ધરાવતી પેટ્રોલની ટાંકી છે એટલે કે આ ગાડીમાં એકવખત ટેંક ફૂલ કરાવીને તમે 1200 કિલોમીટરની યાત્રા કરી શકો છો.
ફોર્ડ ઇકોસ્પોર્ટ:
આ શાનદાર SUV પેટ્રોલ અને ડિઝલ એમ બંને એન્જિનમાં ઉપલબ્ધ છે. આ ગાડીમાં 52 લિટરની ક્ષમતા ધરાવતી પેટ્રોલની ટાંકી જોવા મળે છે અને ગાડીની એવરેજ પ્રતિ કિલોમીટર 23ની છે. તે હિસાબે આ ગાડીમા એકવખત પેટ્રોલની ટાંકી ફૂલ કરાવવાથી તમે 1196 કિલોમીટર આરામથી મુસાફરી કરી શકશો.
હ્યુનડાઇ ક્રેટા:
2 ડિઝલ એન્જિન અને 1 પેટ્રોલ એન્જિન ઑપ્શમાં જોવા મળતી SUV ખૂબ જ પ્રખ્યાય છે. આ ગાડીમાં 55 લિટરની ક્ષમતા ધરાવતી પેટ્રોલની ટાંકી આપવામાં આવી છે અને આ ગાડી પ્રતિ લિટર 21.38 કિલોમીટરની એવરેજ આપે છે. તે હિસાબે એક વખત પેટ્રોલ ફૂલ કરાવવાથી તમે 1175 કિમી સુધી સફર કરી શકશો.
મારૂતિ બ્રેઝા:
મારુતિ બ્રેઝા સૌથી વધુ એવરેજ આપતી SUV પૈકીની એક છે આ ગાડીમાં 48 લિટરની ક્ષમતા ધરાવતી પેટ્રોલની ટાંકી આપવામાં આવી છે આ ગાડી પ્રતિ કિલોમીટર 24.3ની એવરેજ આપે છે. આ ગાડીની ટેંકમાં ફૂલ કરાવીને 1166 કિલોમીટર સુધી ડ્રાઇવ કરી શકાય છે.
જીપ કંપસ:
આ દમદાર SUVમાં ડીઝલ એન્જન આપવામાં આવ્યું છે અને આ ગાડીમાં 60 લિટરની ક્ષમતા ધરાવતી પેટ્રોલ ટેન્ક આપવામાં આવી છે. આશરે 18.42ની એવરેજ આપતી આ ગાડીમાં એકવખત પેટ્રોલની ટાંકી ફૂલ કરાવીને 1105 કિલોમીટર સુધી મુસાફરી કરી શકો છો.
મહેન્દ્રા XUV 500:
ડીઝલ એન્જિન ધરાવતી આ SUVમાં 70 લીટરની ક્ષમતા ધરાવતી પેટ્રોલની ટાંકી આપવામાં આવી છે. આ ગાડીની એવરેજ 15.4 કિલોમીટર પ્રતિ લિટર છે. આ ગાડીમાં એકવખત પેટ્રોલ ટેંક ફૂલ કરાવ્યા પછી તમે 1070 કિલોમીટર સુધી આ ગાડી આરામનથી ચલાવી શકો છો.
ટાટા નેક્સોન:
ટાટા નેક્સોન SUVમાં 1.5 લિટરનું ડીઝલ એન્જિન આપવામાં આવ્યું છે. આ ગાડીમાં 44 લિટરની ક્ષમતા ધારાવતી પેટ્રોલની ટાંકી છે આ સાથે જ ગાડી પ્રતિ લિટર 23.97 કિલોમીટરની એવરેજ આપે છે. આ ગાડીમાં એકવખત પેટ્રોલની ટાંકી ફૂલ કરાવ્યા પછી 1054 કિલોમીટર સુધી ફરી શકાય છે.