કમાણી / રોજ માત્ર 50 રુપિયા બચાવીને તમે બની શકો છો કરોડપતિ, ફટાફટ જાણી લો આ જબરદસ્ત સ્કીમ વિશે

• દરરોજ માત્ર 50 રુપિયાની કરો બચત
• કરોડપતિ બનવું હોય તો એસઆઈપીમાં કરો રોકાણ
• ઓછાં રોકાણ સાથે જમા કરો મોટી રકમ

કરોડપતિ બનવા માટે તમારે તમારા કરિયરના શરૂઆતના સમયથી જ રોકાણ કરવાનું શરૂ કરવું જોઈએ. જો તમે 25 વર્ષની ઉંમરથી રોકાણ કરવાનું શરૂ કરો છો તો તે ખૂબ ફાયદાકારક રહેશે.

25 વર્ષની ઉંમરે રોકાણ

જો તમે 25 વર્ષની ઉંમરથી દરરોજ 50 રૂપિયા બચાવવાનું શરૂ કર્યા અને તમે તેને મ્યુચ્યુઅલ ફંડમાં SIPમાં રોકાણ કરી રહ્યાં છો તો 60 વર્ષની ઉંમર સુધીમાં તમે સરળતાથી કરોડપતિ બની જશો. એટલે કે, 35 વર્ષમાં તમારે ફક્ત 50 રૂપિયા બચાવવા પડશે. જ્યારે તમે દરરોજ 50 રૂપિયા બચાવો છો ત્યારે તે એક મહિનામાં 1500 રૂપિયા થઈ જશે. જ્યારે મ્યુચ્યુઅલ ફંડ સરેરાશ 12-15 ટકા રિટર્ન આપે છે. તમે 35 વર્ષના લાંબા ગાળા માટે કુલ 6.3 લાખ રૂપિયાનું રોકાણ કર્યું છે. આમાં 12.5 ટકા વળતર મળતા તેની કિંમત 1.1 કરોડ રૂપિયા થશે.

30 વર્ષે રોકાણ

જો તમે 30 વર્ષની ઉંમરે રોકાણ કરવાનું શરૂ કરો છો તો આ રોકાણનો સમયગાળો 5 વર્ષ ઘટાડવામાં આવશે અને તમે માત્ર 30 વર્ષ જ રોકાણ કરી શકશો. આમાં 30 વર્ષના સમયગાળામાં 1500 રૂપિયા પ્રતિ માસનું કુલ રોકાણ 5.4 લાખ રૂપિયા થશે. તેની કુલ વેલ્યૂ 59.2 લાખ રૂપિયા હશે. એટલે રોકાણનો સમયગાળો માત્ર 5 વર્ષ સુધી ઘટાડીને લગભગ 40 લાખ રૂપિયાનું નુકસાન થાય છે.

આજના સમયમાં કોને કરોડપતિ ન થવું હોય. દરેક વ્યક્તિનું સપનું હોય છે કે તેના બેંક ખાતામાં કરોડો રૂપિયા હોય. નોકરી કરતા લોકો માટે આટલી મોટી રકમ ભેગી કરવી સરળ નથી. તેનું કારણ એ છે કે, મર્યાદિત આવક અને ખર્ચને કારણે વધારે બચત થતી નથી.

એવામાં કરોડપતિ બનવાનું તમારું સપનું એસઆઈપી દ્વારા મ્યુચ્યુઅલ ફંડમાં રોકાણ કરીને પૂરું થઈ શકે છે. આ માટે જો તમે દરરોજ માત્ર 50 રૂપિયા બચાવો છો તો નિવૃત્તિના સમય સુધીમાં તમે સરળતાથી કરોડપતિ બની શકો છો.