મોબાઇલ ગુમ થવા, ચોરી થવાની ઘટનાઓ સતત થતી રહે છે. પોલીસમાં ફરિયાદ કરવા પર પણ જલ્દીથી રાહત મળતી નથી. એટલે સુધી કે પોલીસ તમારો રિપોર્ટ પણ દાખલ કરતી નથી. થોડાક દિવસ રાહ જોયા બાદ પરેશાન થઇને તમે ઉદાસ થઇ જાવ છો. એવામાં કેટલાક રાજ્યોએ ઑનલાઇન એફઆઇઆર દાખલ કરાવવાની સુવિધા આપવામાં આવી છે.
મોબાઈલ ખોવાઈ જવાની અને ચોરી થવાની ફરિયાદ રાજ્યના પોલીસ વિભાગની વેબસાઈટ નોંધાવી શકાય છે
MEI નંબર કોઇ ડાયરીમાં લખીને રાખો
મોબાઈલ ગુમ થતા જ તમારા તમામ સોશિયલ અકાઉન્ટ્સના પાસવર્ડ બદલી દો
આ સિવાય પોલીસની કેટલીક એપ્સ પણ કાર્યરત હોય છે. તેના દ્વારા પણ મોબાઈલ ખોવાઈ જવાની અને ચોરી થવાની ફરિયાદ નોંધાવી શકાય છે. તેના માટે IMEI (ઇન્ટરનેશનલ મોબાઈલ ઈક્વિપમેન્ટ આઇડેન્ટિટિ) નંબર, ફોનમાં રજિસ્ટર્ડ ઈ-મેઈલ આઈડી, હાલનો મોબાઈલ નંબર, એડ્રેસ સહિતની અનેક માહિતી પોલીસને આપવી જરૂરી હોય છે.
આ તમામ માહિતી તમારી પાસે હોય તો મોબાઈલ ખોવાઈ જાય અથવા ચોરી થઈ જાય તો તમારા રાજ્યના પોલીસ વિભાગની વેબસાઈટ પર જઈને ઓનલાઇન ફરિયાદ કરાવી શકાય છે.
આ છે જરૂર વાતો…
IMEI નંબરો
નવો મોબાઇલ ખરીદતા જ પહેલું કામ એવું કરે કે એનો IMEI નંબર કોઇ ડાયરીમાં લખીને રાખો. હેંડસેટ ગુમ થવા અથવા ચોરી કરવા પર આ ખૂબ કામમાં આવે છે.
તમામ પાસવર્ડ બદલી નાખો
મોબાઈલ નંબરથી જી-મેઈલ, ફેસબુક, ટ્વિટર સહિતની અનેક સોશિયલ મીડિયા એપ્સ ઓપરેટ થઈ શકે છે. તેથી મોબાઈલ ગુમ થતા જ તમારા તમામ સોશિયલ અકાઉન્ટ્સના પાસવર્ડ બદલી દેવો જોઈએ.
નેટવર્ક ઓપરેટરને કોલ કરો
તમારો મોબાઈલ ફોન ખોવાઈ જાય અથવા ચોરી થઈ જાય ત્યારે ફ્રોડથી બચવા માટે તરત જ તમારા નેટવર્ક ઓપરેટરને કોલ કરીને ફોનમાં રહેલા સિમકાર્ડને નિષ્ક્રિય કરાવો. મોબાઈલ નંબર ક્રેડિટ/ડેબિટ કાર્ડ અને બેંક ખાતાઓ સાથે લિંક હોય છે. તેથી સુરક્ષાને ધ્યાનમાં રાખીને તેને નિષ્ક્રિય કરાવવો જરૂરી છે.
રિપોર્ટ દાખલ કરાવો
ઑનલાઇન રિપોર્ટ દાખલ કરાવ્યા બાદ ક્ષેત્રમાં મોબાઇલ ગુમ-ચોરી થયો હોય ત્યાંથી પોલીસ સ્ટેશનમાં જઇને રિપોર્ટ દાખલ કરો.
તમારા બેંક અથવા તમારી ક્રેડિટ કંપની સાથે સંપર્ક કરો
તમને લાગે છે કે તમારા ફોનમાં બેંક ક્રેડિટ કાર્ડ સંબંધી જરૂરી ડેટા છે અથવા ખાતા નંબર, પાસવર્ડ દાખલ છે. એવી સ્થિતિમાં તમારી બેંક અને જે કંપનીનો ક્રેડિટ કાર્ડ છે, એમને મોબાઇલ ગુમ થવાની સૂચના આપીને તમામ ટ્રાન્ઝેકશન અટકાવી દો.