વારાફરતી મળીને દરેક ખેલાડીનું મનોબળ વધાર્યું પીએમ મોદીએ
પોતાની વચ્ચે પીએમ મોદીને જોઈને ખેલાડીઓ ખુશખુશાલ
બ્રાઝિલમાં રમાયેલી ડેફલિમ્પિક 2022માં ભારતે 17 મેડલ મેળવ્યાં છે
પીએમ મોદીએ શનિવારે તેમના ઘરે ડેફલિમ્પિક 2022 માં શાનદાર પ્રદર્શન કરનારા ભારતીય ખેલાડીઓની યજમાની કરી હતી. પીએમ મોદીએ દેશનું નામ રોશન કરનારા ખેલાડીઓ સાથે વાત કરી અને તેમને પ્રોત્સાહિત કર્યા. આ બેઠકની તસવીરો વડાપ્રધાને પોતાના ટ્વિટર એકાઉન્ટ પરથી શેર કરી હતી અને આ પ્રસંગે વડાપ્રધાન ઉપરાંત રમતમંત્રી અનુરાગ ઠાકુર પણ હાજર રહ્યા હતા. ખેલાડીઓએ પોતાની સહી કરેલી જર્સી પીએમ મોદીને ભેટમાં આપી હતી.
#WATCH | PM Modi interacts with speech and hearing impaired wrestler Virender Singh during the interaction with Indian Deaflympics 2021 Contingent pic.twitter.com/7U1NEoquXs
બેઠક બાદ વડાપ્રધાન મોદીએ ટ્વિટ કર્યું હતું કે, "ડેફલિમ્પિકમાં ભારતનું ગૌરવ વધારનાર મારા ચેમ્પિયન સાથેની મુલાકાતને હું ક્યારેય નહીં ભૂલું. ખેલાડીઓએ તેમના અનુભવો શેર કર્યા અને હું તેમનામાં ઉત્કટ અને પ્રતિબદ્ધતા જોઈ શક્યો. મારા તરફથી તમામ ખેલાડીઓને ખૂબ ખૂબ શુભકામનાઓ. અમારા ચેમ્પિયન્સને કારણે જ આ વખતે ડેફલિમ્પિકમાં ભારતનો દેખાવ યાદગાર રહ્યો.
પાંચ મેડલ જીતનાર પહેલવાન વીરેન્દ્ર સિંહ સાથે વાત કરી પીએમ મોદીએ
પીએમ મોદીએ પહેલવાન વીરેન્દ્ર સિંહ સાથે વાત કરી, પીએમ મોદીએ વિરેન્દ્ર સિંહ સાથે લાંબા સમય સુધી વાત કરી હતી અને વિરેન્દ્ર સિંહે પીએમ મોદીને કહ્યું કે મેં મારા પિતા અને કાકાને જોયા પછી કુસ્તી રમવાનું શરૂ કર્યું. મને નાનપણથી જ મારા માતાપિતાનો સંપૂર્ણ ટેકો મળ્યો છે. તેથી જ હું આ મુદ્દા પર પહોંચ્યો છું.વિરેન્દ્રએ પોતાના સંઘર્ષ સાથે જોડાયેલી કહાની સંભળાવ્યા બાદ પીએમ મોદીએ તેમને પૂછ્યું કે શું તેમના પિતા અને કાકા તમારા પ્રદર્શનથી સંતુષ્ટ છે? તેના જવાબમાં વિરેન્દ્રએ કહ્યું, "ના, તેઓ ઇચ્છે છે કે હું આગળ વધીને ઉચ્ચ સ્થાન પ્રાપ્ત કરું. મેં કુસ્તીના મેદાનમાં દરેકને એવા કુસ્તીબાજો સાથે પણ બે-બે હાથ કર્યા છે જે સાંભળી શકે છે. તેઓ પણ પરાજિત થયા છે. પણ મને સંભળાતું નહોતું. તેથી જ મને તક મળી નથી. ઘણી વખત હું તેનાથી નિરાશ થયો હતો, રડ્યો પણ હતો. પછી મેં બધિરો સાથે કુસ્તી કરવાનું શરૂ કર્યું અને મને એક નવો રસ્તો મળી ગયો."
I will never forget the interaction with our champions who have brought pride and glory for India at the Deaflympics. The athletes shared their experiences and I could see the passion and determination in them. My best wishes to all of them. pic.twitter.com/k4dJvxj7d5
ભારતે ડેફલિમ્પિકમાં જીત્યા 17 મેડલ
ઉલ્લેખનીય છે કે બ્રાઝિલમાં 1 થી 15 મે દરમિયાન યોજાયેલા ડેફલિમ્પિકમાં ભારતે કુલ 17 મેડલ હાંસલ કર્યા હતા, જે અત્યાર સુધીનું સર્વશ્રેષ્ઠ પ્રદર્શન છે. ભારતે 8 ગોલ્ડ, 1 સિલ્વર અને 8 બ્રોન્ઝ મેડલ જીત્યા હતા અને મેડલ ટેલીમાં ભારત 9માં ક્રમે રહ્યું હતુ. વર્ષ 1925માં ગેમ્સના પ્રારંભ બાદ આ પહેલી વખત એવું બન્યું છે કે, ભારતે ડેફ્લેમ્પીકની મેડલ ટેલીમાં ટોપ-10માં સ્થાન મેળવ્યું હોય. ભારતે સૌપ્રથમ વખત 1965ના ડેફ્લેમ્પિક્સમાં ભાગ લીધો હતો અને 1993માં સૌથી શ્રેષ્ઠ દેખાવ કુલ 7 મેડલ જીતવાનો રહ્યો. જોકે આ વખતે ભારતીય ખેલાડીઓએ બમણા મેડલ્સ જીત્યા છે.