Cricket / 'તમે ધોની છો... હું દહાની છું.' પાકિસ્તાનની T20 વર્લ્ડ કપ ટીમમાં ધોનીનો આ જબરો ફેન કોણ છે?

MS ધોની ભારતીય ટીમના મેન્ટર તરીકે આવી ગયા છે UAE 
પ્રેક્ટિસ સેશન દરમિયાન પસાર થઈ રહ્યા હતા MS  ધોની 
પાકિસ્તાની ક્રિકેટર શાહનવાઝ ધાનીએ ધોનીને કહ્યું 'હાય'

ભારત અને પાકિસ્તાન બે વર્ષ પછી ક્રિકેટના મેદાનમાં સામસામે ટકરાશે. રવિવારે ટી20 વર્લ્ડ કપના લીગ સ્ટેજમાં બંને ટીમો આમને સામને થશે. એક બાજુ વિરાટ કોહલીની કેપ્ટનશીપ હેઠળની ટીમ ઈન્ડિયા છે તો બીજી બાજુ  UAEને પોતાનો ગઢ બનાવનાર બાબર આઝમની પાકિસ્તાન છે. ભારત પાસે એક એવું હથિયાર પણ છે જે મેદાનથી દૂર રહીને પણ પરિણામ બદલી શકે છે. તેનું નામ મહેન્દ્ર સિંહ ધોની છે. જેઓ મેન્ટર તરીકે ટીમ સાથે ગયેલા પાકિસ્તાની ક્રિકેટર પણ ધોનીના ફેન્સ છે. આ વાતનો પુરાવો બંને ટીમોના પ્રેક્ટિસ સેશન દરમિયાન જોવા મળ્યો. એક પાકિસ્તાની પત્રકારે એક વીડિયો શેર કર્યો છે જેમાં ધોની અને એક યુવા પાકિસ્તાની ક્રિકેટર વચ્ચે હાય-હેલો જોવા મળી રહ્યો છે.

શાહનવાઝ બન્યો ધોનીનો ફેનબોય
ટ્વિટર પર પોતાને 'સ્પોર્ટ્સ જર્નાલિસ્ટ' ગણાવતા શાકિર અબ્બાસીએ આ વીડિયો શેર કર્યો છે. તેણે તેના યુટ્યુબ બ્લોગ પર કેટલાક વધુ ફૂટેજ પણ મૂક્યા છે જેમાં ધોની સ્પષ્ટ રીતે દેખાઈ રહ્યો છે. અબ્બાસીએ શેર કરેલા વીડિયોમાં એક પાકિસ્તાની ક્રિકેટર ધોનીને ત્યાંથી પસાર થતા જોઈને કંઈક કહે છે. શરૂઆતમાં ધોની તેની સાથે ચાલતા વ્યક્તિ સાથે વાત કરતો રહે છે, ત્યારબાદ તે યુવકની વાતનો જવાબ આપવા લાગે છે. જો કે, બંને પક્ષો તરફથી શું કહેવામાં આવ્યું તે સ્પષ્ટ નથી થયું. અબ્બાસીએ દાવો કર્યો છે કે વીડિયોમાં દેખાતો યુવા ક્રિકેટર પાકિસ્તાનનો શાહનવાઝ દહાની છે.

Pakistan Bowler Shahnawaz Dahani getting excited seeing @msdhoni 😅❤pic.twitter.com/Q2rlCxXaWy

— Dhoni Army TN™ (@DhoniArmyTN) October 23, 2021

બંને ટીમના ક્રિકેટરો ઘણીવાર  જોવા મળ્યા છે સાથે
અબ્બાસીના જણાવ્યા અનુસાર, શાહનવાઝે ધોનીને કહ્યું કે 'તમે ધોની છો... હું દહાની છું.' વીડિયો અને અબ્બાસીના દાવા પરથી એવું લાગે છે કે શાહનવાઝ વાસ્તવમાં ધોનીનો ફેનબોય છે અને તેને સામે જોઈને તે વાત કર્યા વગર રહી ના શક્યો. ધોની ભૂતકાળમાં પણ પાકિસ્તાની ક્રિકેટરો સાથે ઉષ્માભરી મુલાકાત કરતો રહ્યો છે. ICC ટૂર્નામેન્ટમાં મેચ બાદ બંને ટીમના ક્રિકેટરો ઘણીવાર સાથે જોવા મળ્યા છે. 2017ની ચેમ્પિયન્સ ટ્રોફીમાં હાર બાદ જે તસવીરો સામે આવી હતી તેને લઈને ઘણો હંગામો થયો હતો.

કોણ છે શાહનવાઝ દહાની?
શાહનવાઝ દહાનીએ 2019-20માં સિંધ માટે ફર્સ્ટ ક્લાસ ડેબ્યૂ કર્યું હતું. ત્યાર બાદ તેણે પાછું વળીને જોયું નથી. આ વર્ષે જ, તેણે પાકિસ્તાન સુપર લીગ (PSL) માં મુલ્તાન સુલ્તાન્સ તરફથી રમતા  T20 માં ડેબ્યૂ કર્યો હતો. માર્ચ 2021 માં તેને પ્રથમ વખત ઝિમ્બાબ્વે સામેની ટેસ્ટ શ્રેણી માટે પાકિસ્તાનની ટીમમાં સામેલ કરવામાં આવ્યો હતો. સપ્ટેમ્બરમાં તેને ન્યૂઝીલેન્ડ સામેની વનડે શ્રેણી માટે પસંદ કરવામાં આવ્યો હતો. તે જ મહિનામાં ટી 20 વર્લ્ડ કપ માટે જાહેર કરાયેલી ટીમમાં પણ તેનું નામ હતું. શાહનવાઝ દહાનીએ 18  T20 મેચમાં 29 વિકેટ લીધી છે. જેમાં ત્રણ વખત 4-4 વિકેટનો સમાવેશ થાય છે.