ઘણા લોકોને ડાર્ક કલરના કપડાં પહેરવાનો શોખ હોય છે, પરંતુ વરસાદની સીઝનમાં ડેન્ગ્યૂનો ભય સૌથી વધારે રહે છે. ડેન્ગ્યૂનું કારણ છે એડિઝ મચ્છર જે ખાસ કરીને ડાર્ક કલર તરફ વધારે આકર્ષાય છે.
દેશભરમાં હાલમાં વરસાદ અને ડેન્ગ્યૂનો પ્રકોપ ચાલી રહ્યો છે. ડેન્ગ્યૂના મચ્છર મુખ્યત્વે ડાર્ક કલર તરફ વધુ આર્કષાય છે અને તે વધારે ઊંચે સુધી ઊડી શકતા નથી માટે પગમાં ઝડપથી કરડે છે. ડોક્ટર્સ કહે છે કે આ સીઝનમાં લાઈટ કલરના કપડાં પહેરવા હિતાવહ છે.
એડિસ મચ્છરના શરીર પર સફેદ લાઈન હોય છે. તે વધુ ઊંચે ઊડી શકતા નથી. માટે તેને ઓળખવાનું સરળ હોય છે. આ મચ્છર દિવસે સક્રિય રહે છે. અને વધારે ઊંચા ઊડી શકતા નથી. ડોક્ટરની સલાહ મુજબ દિવસ દરમિયાન ડાર્ક કલરના મોજા પહેરવાથી બચવું જોઈએ.
જ્યારે તમને એડિસ મચ્છર કરડે છે ત્યારે તે જગ્યાએ સોજો દેખાય છે. બે દિવસ પછી આ જગ્યાએ લાલ દાણા દેખાશે. તેમાં દર્દ પણ થઈ શકે છે. સમયસર તેની ઓળખ કરીને ટ્રીટમેન્ટ કરાવવાથી લાભ થાય છે. સાથે જ હવેથી આ સીઝનમાં સાવધાની માટે લાઈટ કલરના કપડાં પહેરો તે યોગ્ય છે.
સાથે જ હવેથી આ સીઝનમાં સાવધાની માટે લાઈટ કલરના કપડાં પહેરો તે યોગ્ય છે. સાથે જ શરીરીને ઢાંકીને રાખો તે પણ જરૂરી છે. આ પ્રકારના મચ્છર કૂલર, માટીવાળા છોડ, એસી અને અગાસીમાં પડી રહેલા કચરા અને પાણીમાં, ટાયરમાં ભરાયેલા પાણીમાં વધારે જોવા મળે છે.
ઉલ્લેખનીય છે કે ઓગસ્ટ મહિનામાં ડેન્ગ્યૂના કુલ 52 કેસ નોંધાયા છે. તો જાન્યુઆરીથી ઓગસ્ટમાં ડેન્ગ્યૂના 92 કેસ નોંધાયેલા જોવા મળ્યા હતા. ગયા અઠવાડિયે પણ સૌથી વધારે ડેન્ગ્યૂના કેસ દક્ષિણ વિસ્તારમાં જોવા મળ્યા હતા.