ઉત્તર પ્રદેશ એડીજી ઇન્ટેલિજન્સ એસ બી શિરોડકર દ્વારા એક પત્ર જાહેર કરવામાં આવ્યો હતો, જેમાં પંચાયત ચૂંટણીઓને લઈને 11 પોઇન્ટસની જાણકારીઓ એકત્રિત કરવા માટે તંત્રને સૂચના આપવામાં આવી છે, આ પોઈન્ટ્સમાં એક માહિતી લવ અફેર ની પણ માંગવામાં આવી છે, જેમાં લોકલ ઇન્ટેલિજેન્સ યુનિટ અને ઇન્ટેલિજન્સ વિભાગે અનૈતિક પ્રેમ સંબંધો માટેની માહિતી પણ એકત્રિત કરવી પડશે
ઉત્તર પ્રદેશ વહીવટી તંત્રનો મહત્વનો નિર્ણય
લોકોના અનૈતિક પ્રેમ સંબંધોની જાણકારી પણ એકત્રિત થશે
રાજ્યના ઇન્ટેલિજન્સ યુનિટને તૈનાત કરી દેવાયું છે
છેલ્લા કેટલાક વર્ષોમાં લવ જેહાદ અને ઇન્ટરકાસ્ટ લવ અફેર્સના ઘણા કિસ્સા બન્યા છે. હવે ઉત્તરપ્રદેશની ગુપ્તચર એજન્સીઓ આવા કિસ્સાઓની તપાસ માટે ગામડે ગામડે જઈ રહી છે. આ બાબતે વિવાદ થવાની સંભાવના છે. આગામી પંચાયતની ચૂંટણીઓ જોતાં આ કેસો હિંસા અને હુલ્લડો ન સર્જાય, તેથી સાવચેતીનાં પગલાં તો લેવામાં આવી ચુક્યાં છે. આવી સ્થિતિ ન થાય તે માટે રાજ્યના ગામડામાંથી આવી માહિતી એકઠી કરવામાં આવી રહી છે.
ઉત્તર પ્રદેશ વહીવટી તંત્ર દ્વારા અપાયો વિવાદિત આદેશ
ઉત્તર પ્રદેશ ના પોલીસ તંત્રમાં એક પત્ર જાહેર કરવામાં આવ્યો છે, જેમાં ગામડાઓ અને શહેરોમાં ચાલી રહેલા અનૈતિક પ્રેમ સંબંધોની પણ ઇન્ટેલિજન્સ યુનિટે માહિતી એકત્રિત કરીને સરકારને આપવી પડશે. જેના માટે દરેક યુનિટને સાબદા કરી દેવામાં આવ્યા છે.
આ પ્રકારના વિવાદ અંગે માહિતી એકઠી કરવામાં આવે તેવો આદેશ આપવામાં આવ્યો છે, જો કોઈ હોય તો ગામમાં હાલની સ્થિતિ શું છે અને પોલીસે કોઈ કાર્યવાહી કરી છે કે કેમ તે અંગેની જાણકારી મેળવવાના આદેશો પણ આપવામાં આવ્યા છે. આવી માહિતી એકત્રિત કરવા પાછળનો હેતુ પછીથી કોઈ વિવાદ ન સર્જાય તેને રોકવા માટેનું છે.
બધા જ પ્રકારના વિવાદોની જાણકારી
આ સિવાય આવા લોકો વિશે પણ માહિતી એકઠી કરવામાં આવી રહી છે, જે અચાનક ધનિક બન્યા હતા. જ્ જ્ઞાતિ વિવાદ, જમીન વિવાદ, ધાર્મિક સ્થળ વિવાદ વિશે પણ માહિતી પ્રાપ્ત કરવામાં આવી રહી છે. આગામી પંચાયતની ચૂંટણીમાં વિવાદનું કારણ શું હોઈ શકે તે અંગે માહિતી માંગવામાં આવી છે.
નોંધપાત્ર વાત એ છે કે ઉત્તર પ્રદેશ માં પંચાયતની ચૂંટણી માટે તૈયારીઓ શરૂ થઈ ગઈ છે. આવી સ્થિતિમાં પોલીસથી માંડીને ગુપ્તચર એજન્સીઓને એલર્ટ કરી દેવાયા છે. યુપીમાં વર્ષ 2022 માં પંચાયતની ચૂંટણીઓના એક વર્ષ પછી વિધાનસભાની ચૂંટણીઓ યોજાશે, તેથી આ પગલાનું મહત્વ વધી ગયું છે.