ખળભળાટ / UPના IAS અધિકારીનો કથિત ધર્માંતરણનો વીડિયો સામે આવતા યોગી સરકાર થઈ દોડતી, આપ્યા તપાસના આદેશ.

• મઠ-મંદિર સંકલન સમિતિના રાષ્ટ્રીય અઘ્યક્ષે મુખ્યમંત્રીને ફરિયાદ કરી હતી
• પોલીસ કમિશનરે તપાસ એડીસીપી પૂર્વ સોમેન્દ્ર મીણાને સોંપી 
• ધર્માંતરણ ગેંગ સાથે IAS અધિકારીનું જોડાણ સામે આવી રહ્યું 

कानपुर के आईएएस श्री इफ्तखारुद्दीन के मामले में शासन द्वारा एसआईटी से जांच के आदेश दिए गए हैं।

एसआईटी के अध्यक्ष डीजी सीबीसीआईडी जीएल मीणा होंगे एवं सदस्य एडीजी ज़ोन भानु भास्कर होंगे।

एसआईटी अपनी रिपोर्ट 7 दिन में शासन को प्रेषित करेगा।

— HOME DEPARTMENT UP (@homeupgov) September 28, 2021

યોગી સરકારે તપાસના આદેશ આપ્યાં 

યુપી સરકારે ઉત્તર પ્રદેશ રાજ્ય માર્ગ પરિવહન નિગમના ચેરમેન ઇફ્તિખરુદ્દીનના વિવાદાસ્પદ વીડિયોની તપાસના આદેશ પણ આપ્યા છે. સાથે જ પોલીસે પણ તપાસ શરૂ કરી છે. તમને જણાવી દઈએ કે ધર્માંતરણ ગેંગ સાથે IAS અધિકારી મોહમ્મદ ઈફ્તિખારુદ્દીનનું જોડાણ સામે આવી રહ્યું છે. તેમના સત્તાવાર નિવાસસ્થાને તેમની હાજરીમાં, ધર્માંતરણ અંગે દલીલો કરવામાં આવી હતી. ઝઘડાઓના ઘણા વીડિયો સોશિયલ મીડિયા પર વાયરલ થઈ રહ્યા છે, જે પછી હંગામો મચી ગયો છે.

Special Investigation Team (SIT) constituted for probe in IAS Officer Mohammad Iftikharuddin case: Uttar Pradesh Government

He has been accused of carrying out propaganda against Hinduism.

— ANI UP (@ANINewsUP) September 28, 2021

પોલીસ કમિશનરે તપાસ એડીસીપી પૂર્વ સોમેન્દ્ર મીણાને સોંપી 

આરોપ છે કે વીડિયોમાં વરિષ્ઠ IAS અન્ય સમુદાયના લોકોને કટ્ટરવાદના પાઠ ભણાવી રહ્યા છે. આ વીડિયો તેના રહેઠાણનો હોવાનું કહેવામાં આવી રહ્યું છે. આ મામલે આગ લાગ્યા બાદ સોમવારે પોલીસ કમિશનર અસીમ અરુણે વાયરલ વીડિયોની તપાસ ADCP પૂર્વ સોમેન્દ્ર મીણાને સોંપી હતી. તેમણે કહ્યું કે તપાસમાં જોવામાં આવશે કે વીડિયોમાં કોઈ ગુનો દર્શાવવામાં આવી રહ્યો છે? અથવા વરિષ્ઠ IAS દ્વારા કોઈ નિયમનો ભંગ કરવામાં આવ્યો છે ? કે નહીં. 

મઠ-મંદિર સંકલન સમિતિના રાષ્ટ્રીય અઘ્યક્ષે પણ ફરિયાદ કરી 

ઉલ્લેખનીય છે કે, બે દિવસ પહેલા મઠ-મંદિર સંકલન સમિતિના રાષ્ટ્રીય ઉપાધ્યક્ષ ભૂપેશ અવસ્થીએ આ બાબતે મુખ્યમંત્રીને ફરિયાદ કરી હતી. આમાં તેમણે આરોપ લગાવ્યો હતો કે વરિષ્ઠ IAS સનાતન ધર્મ વિરુદ્ધ પ્રચાર ફેલાવી રહ્યા છે, જેના કારણે હિન્દુ સમાજની લાગણીઓને ઠેસ પહોંચી છે. બીજી તરફ યુપીના નાયબ મુખ્યમંત્રી કેશવ પ્રસાદ મૌર્યએ પણ આ મામલે તપાસના આદેશ આપ્યા છે. તેમણે કહ્યું છે કે કાનપુર અને ઉન્નાવની મુલાકાત દરમિયાન મને કેટલાક લોકો દ્વારા આ પ્રકરણ વિશે જાણ કરવામાં આવી હતી. આ એક ગંભીર બાબત છે. આ બાબતની તપાસ કરાશે. જે પણ દોષિત હશે તેની સામે કાર્યવાહી કરવામાં આવશે.