વિવાદ / હવે ભાજપની કથિત ટૂલકિટ સામે આવી, CMના સપોર્ટમાં ટ્વિટ કરવા પર 2 રુપિયા આપવાનો ઓડિયો વાયરલ

• યુપીના સીએમ યોગી આદિત્યનાથની કથિત ટૂલકિટ સામે આવી
• યોગીના સમર્થનમાં ટ્વિટ કરનારને 2 રુપિયા આપવાનો આરોપ 
• સીએમના મીડિયા એકાઉન્ટની સંભાળતી ટીમ વિવાદમાં સપડાઈ
• કંપનીએ આઈટી સેલના લીડર મનમોહનસિંહને બરતરફ કરી દીધા

સીએમ યોગી આદિત્યનાથની કથિત ટૂલકિટનો એક ઓડિયો વાયરલ થયો છે. ઓડિયોમાં મુખ્યમંત્રીના સપોર્ટમાં ટ્વિટ કરનારે બે રુપિયા આપવાની વાત કહેવાઈ રહી હોવાનું સંભળાતું હતું. આ કથિત ઓડિયો મુખ્યમંત્રીના સોશિયલ મીડિયા એકાઉન્ટને સંભાળનાર ટીમના સભ્યોની હોવાનુ જણાવાય છે. રિટાયર્ડ આઈએએસ સૂર્યપ્રતાપ સિંહે આ ઓડિયોને સોશિયલ મીડિયા પર વાઈરલ કરી છે. 

કથિત ટૂલકિટ વાયરલ થયા બાદ આઈટી સેલના લીડર મનમોહનસિંહ બરતરફ

કથિત ટૂલકિટ વાયરલ થયા બાદ કંપનીએ આઈટી સેલના લીડર મનમોહનસિંહને બરતરફ કરી દીધા છે. જોકે કંપની તરફથી કોઈ સત્તાવાર નિવેદન અપાયું નથી. બીજી તરફ ભાજપ પ્રવક્તા મનીષ શુક્લાએ આ કેસને ભાજપ અને મુખ્યમંત્રી સાથે કોઈ સંબંધ ન હોવાનું કહીને હાથ અધ્ધર કરવાનો પ્રયાસ કર્યો છે. તેમણે કહ્યું કે આ ખાનગી કંપની અને તેના કર્મચારી સાથે સંબંધિત કેસ છે. કંપની દ્વારા કાઢી મૂકવામાં આવ્યાં બાદ મનમોહન સિંહ સોશિયલ મીડિયા પર એક પોસ્ટ શેર કરી હજારો જવાબોથી સારી છે અમારી ખામોશી કોણ જાણે કેટલા સવાલોની ઈજ્જજ જાળવી લેશે. 

શું છે વિવાદ 
સીએમ યોગી આદિત્યનાથના સોશિયલ મીડિયા એકાઉન્ટને સંભાળવાની જવાબદારી BECIL નામની કંપની પાસે હતી. થોડા દિવસો પહેલા આ કંપનીને બદલે સિલ્વરટેક કંપનીને જવાબદારી સોંપવામાં આવી. મનમોહન સિંહ BECIL કંપનીમાં કામ કરતો હતો.