રાજકીય વિખવાદ / યુપીમાં રાજકીય ઘમાસાણની વચ્ચે મોટી ખબર, CM યોગી દિલ્હી જવા રવાના, PM મોદી-અમિત શાહને મળશે

• કેન્દ્રીય નેતૃત્વના નેતાઓને મળવા દિલ્હી રવાના થયા યોગી આદિત્યનાથ
• દિલ્હી જતા પહેલા લખનઉમાં સંગઠન મહામંત્રી સાથે કરી બેઠક
• યોગી આદિત્યનાથ દિલ્હી જતા ચર્ચાઓનું બજાર ગરમ, યુપીમાં હલચલ

લખનઉમાં સંગઠન મહામંત્રી સુનિલ બંસલ સાથે બેઠક કર્યા બાદ અચાનક સીએમ યોગી આદિત્યનાથ દિલ્હી રવાના થયા છે. દિલ્હીમાં પહોંચીને સાંજના યોગી ગૃહમંત્રી અમિત શાહ અને ભાજપના કદ્દાવર નેતા અમિત શાહ સાથે મુલાકાત કરશે અને શુક્રવારે પીએમ મોદીને પણ મળશે. યોગી આદિત્યનાથ ભાજપ અધ્યક્ષ જેપી નડ્ડા સાથે પણ મુલાકાત કરવાના છે. 

પીએમ અને ભાજપ અધ્યક્ષ સાથે શુક્રવારે મીટિંગ
અમિત શાહ સાથે મુલાકાત કર્યા બાદ સીએમ યોગી દિલ્હીના લોક કલ્યાણ માર્ગ સ્થિત પીએમ આવાસ પર પ્રધાનમંત્રી મોદીને મળશે. તે ઉપરાત ભાજપ અધ્યક્ષ જેપી નડ્ડા સાથે પણ બેઠક કરવાના છે. પીએમ મોદી અને અમિત શાહ સાથે યોગી એવા સમયે મુલાકાત કરી રહ્યાં છે. 

ઉલ્લેખનીય છે કે યોગી આદિત્યનાથે જણાવ્યું હતું કે જ્યારે હું સાંસદ હતો ત્યારે પણ મારી કોઈ મહત્વકાંક્ષા નહોતી અને આજે પણ નથી. હું ભાજપનો એક સૈનિક છું. હકીકતમાં છેલ્લા થોડા દિવસથી યુપીની રાજનીતિમાં થઈ રહેલી હિલચાલ પાછળ યોગી આદિત્યનાથની રાષ્ટ્રીય મહત્વકાંક્ષાને જવાબદાર માનવામાં આવી રહી છે.

રાષ્ટ્રીય મહત્વકાંક્ષા પર શું બોલ્યા યોગી આદિત્યનાથ 
એક ઈન્ટરવ્યુમાં યોગી આદિત્યનાથે જણાવ્યું કે હું તો ભાજપનો એક સામાન્ય સૈનિક છું. જ્યારે સાંસદ હતો ત્યારે પણ મારી કોઈ મહત્વકાંક્ષા નહોતી આજે પણ નથી. હું એક સામાન્ય સૈનિક છું જે ભાજપના વિઝન અને વિકાસ, સુરક્ષા તથા સમૃદ્ધિ માટે પીએમ મોદીની ઝૂંબેશ પર કામ કરી રહ્યો છું. તેમણે કહ્યું કે રાજ્ય સરકારની છેલ્લા ચાર વર્ષની ઉપલબ્ધિઓ છે, તેનાથી વધારે ખુશી બીજી કઈ હોઈ શકે. 

યોગીના નિવેદનનો શું અર્થ 
યોગીની રાષ્ટ્રીય મહત્વકાંક્ષાવાળી અટકળોનો ઈન્કાર કરવાના ઘણા કયાસો લગાવાઈ રહ્યાં છે. છેલ્લા ઘણા દિવસથી ભાજપ હાઈકમાન્ડ અને યોગી વચ્ચે જે તકરારની ચર્ચા હતી તેની પર વિરામ મૂકવાની કોશિશ છે. યોગીએ એવું પણ કહ્યું કે હવે અમારુ ધ્યાન આગામી વર્ષે યોજનારી ચૂંટણી પર છે. 

પ્રધાનમંત્રી બનવાની મહત્વકાંક્ષા રાખવી સ્વાભાવિક છે-વિશ્લેષકો

રાજકીય વિશ્લેષકોના જણાવ્યાનુસાર, યુપીની રાજનીતિની કેન્દ્ર પર મોટી અસર રહેલી છે. 80 સાંસદોને દિલ્હી મોકલનાર રાજ્યના સીએમ પ્રધાનમંત્રી બનવાનું સપનું જોવે તેમાં કંઈ ખોટું નથી. એવું પણ કહેવાઈ રહ્યું છે યોગી ઘણી વાર એવું પણ માનતા રહ્યાં છે કે ભાજપમાં પીએમ મોદી બાદ તેઓ વિકલ્પ છે. એટલે કે તેઓ યુપીની રાજનીતિમાંથી નીકળીને સીધા પ્રધાનમંત્રીની ખુરશી પર બેસવાની લાલસા ધરાવે છે. સોશિયલ મીડિયા પર પણ અભિયાન ચાલી રહ્યું છે કે પીએમ કેવા હોય, યોગી જેવા.