રાજકારણ / અનોખા અંદાજમાં અખિલેશે આપી યોગી સરકારને શુભકામના, સાથે જ આ વાત કરીને સૌનું ધ્યાન ખેંચી લીધું

• યોગી આદિત્યનાથે આજે લીધા શપથ
• અખિલેશ યાદવે શુભકામના સાથે આ વાત કહી
• ભાજપ સરકાર પર કર્યા પ્રહારો

યોગી સરકારના શપથગ્રહણ સમારંભ બાદ અખિલેશ યાદવે ભાજપ પર આકરાં પ્રહારો કરવાના શરૂ કરી દીધા છે. તેમણે ટ્વિટ કરીને નવી સરકારને શુભકામના તો આપી છે, પણ સાથે સાથે કટાક્ષ પણ કર્યો છે. તેમણે લખ્યું છે કે, નવી સરકારને શુભકામના કે, તેઓ સપાએ બનાવેલા સ્ટેડિયમમાં શપથ લઈ રહી છે. શપથ ફક્ત સરકાર બનાવાની નહીં, પણ જનતાની સાચ્ચી સેવા પણ લેવી જોઈએ. આપને જણાવી દઈએ કે, યોગી આદિત્યનાથે લખનઉના ઈકાના સ્ટેડિયમમાં શુક્રવારે મુખ્યમંત્રી પદના શપથ લીધા હતા. યોગી સરકારમાં કેશવ પ્રસાદ મૌર્ય અને બ્રજેશ પાઠકને ડેપ્યુટી સીએમ બનાવામાં આવ્યા છે. 

नई सरकार को बधाई कि वो सपा के बनाए स्टेडियम में शपथ ले रही है। शपथ सिर्फ़ सरकार बनाने की नहीं, जनता की सच्ची सेवा की भी लेनी चाहिए।

— Akhilesh Yadav (@yadavakhilesh) March 25, 2022

આપને જણાવી દઈએ કે, સ્ટેડિયમનનું નિર્માણ અખિલેશ યાદવના કાર્યકાળમાં થયું હતું. બહારથી મુગલ આર્કિટેક્ચર વાળું અને અંદરથી રમતની તમામ સુવિધાથી ભરપૂર છે આ સ્ટેડિયમ. 2018માં યોગી સરકારે તેનું નામ બદલીને પૂર્વ પ્રધાનમંત્રી સ્વ. અટલ બિહાર વાજપેયીના નામ પર કરી દીધું હતું. અહીં એક ટી 20 મેચનું આયોજન પણ થઈ ચુક્યું છે. આ સ્ટેડિયમની ક્ષમતા 50 હજારની આસપાસ હોવાનું કહેવાય છે. પણ ક્રિકેટનું આ સ્ટેડિયમ હવે યોગીના બીજા કાર્યકાળનું પણ સાક્ષી બની ગયું છે. 

યોગી આદિત્યનાથ સહિત 52 મંત્રીઓના શપથ થયા હતા. જેમાં કેશવ પ્રસાદ મૌર્ય અને બ્રજેશ પાઠક ડેપ્યુટી સીએમ તરીકેના શપથ પણ લીધા હતા.

કેબિનેટ મંત્રી- 

સૂર્યપ્રતાપ શાહી, સુરેશ કુમાર ખન્ના, સ્વતંત્ર દેવ સિંહ, બેબી રાની મૌર્ય, લક્ષ્મી નારાયણ ચૌધરી, જયવીર સિંહ, ધર્મપાલ સિંહ, નંદ ગોપાલ ગુપ્તા નંદી, ભૂપેન્દ્ર સિંહ ચૌધરી, અનિલ રાજભર, જિતિન પ્રસાદ, રાકેશ સચાન, અરવિંદ કુમાર શર્મા, યોગેન્દ્ર ઉપાધ્યાય, આશીષ પટેલ, સંજય નિષાદ

રાજ્યમંત્રી- ( સ્વતંત્ર હવાલો)

નીતિન અગ્રવાલ, કપિલદેવ અગ્રવાલ, રવીન્દ્ર જયસ્વાલ, સંદીપ સિંહ, ગુલાબ દેવી, ગિરિશ ચંદ્ર યાદવ, ધર્મવારી પ્રજાપતિ, અસીમ અરુમ, જેપીએસ રાઠોર, દયાશંકર સિંહ, નરેન્દ્ર કશ્યપ, દિનેશ પ્રતાપ સિંહ, અરુણકુમાર સક્સેના, દયાશંકર મિશ્ર દયાલુ

રાજ્યમંત્રી- 

મયંકેશ્વર સિંહ, દિનેશ ખટિક, સંજીવ ગૌડ, બલદેવ સિંહ ઓલખ, અજીત પાલ, જસવંત સૈની, રામકેશ નિષાદ, મનોહર લાલ મન્નૂ કોરી, સંજય ગંગવાર, બ્રજેશ સિંહ, કેપી મલિક, સુરેશ રાહી, સોમેન્દ્ર તોમર, અનૂપ પ્રધાન, પ્રતિભા શુક્લા, રાકેશ રાઠોર, રજની તિવારી, સતીશ શર્મા, દાનિશ આઝાદ અંસારી, વિજય લક્ષ્મી ગૌતમ