મુખ્યમંત્રી યોગી આદિત્યનાથે તેમના સોશ્યલ મીડિયા પર આ તસવીર શેર કરી અને લખ્યું હતું કે તેમના સરકારી આવાસ, લખનઉમાં યુવા અને મહેનતુ ખેલાડી SKY (Mr. 360°) સાથે એક મુલાકાત.'
યોગી આદિત્યનાથે સૂર્યકુમાર યાદવ સાથે તસવીર કરી શેર
સીએમ યોગીએ સૂર્યા માટે કહ્યું કઇંક આવું
ટી-20નો કિંગ છે સૂર્યા
ભારત અને ન્યુઝીલેન્ડ વચ્ચે ત્રણ મેચોની T20 શ્રેણીની બીજી મેચ લખનઉના ઇકાના ક્રિકેટ સ્ટેડિયમમાં રમાઈ હતી અને આ મેચમાં ભારતે ન્યુઝીલેન્ડને 6 વિકેટે હરાવ્યું હતું. એ મેચમાં જીત મેળવ્યા પછી ટીમ ઈન્ડિયાએ તે સીરિઝ 1-1થી પોતાના નામે કરી લીધી છે. જણાવી દઈએ કે આ મેચ દરમિયાન ઉત્તર પ્રદેશના મુખ્યમંત્રી યોગી આદિત્યનાથ પણ ત્યાં હાજર હતા અને યોગી આદિત્યનાથ મેચની શરૂઆત પહેલા ખેલાડીઓને મળ્યા હતા. આ સાથે જ એમને ટીમ ઈન્ડિયાનો કેપ્ટન હાર્દિક પંડ્યાને અભિનંદન પણ આપ્યા હતા. આ સાથે જ એમને હાર્દિક પંડયા સાથેની એમની તસવીર પોતાના સોશ્યલ મીડિયા પર પણ પોસ્ટ કરી હતી.
આજે યોગી આદિત્યનાથે સોશિયલ મીડિયા પર વધુ એક ફોટો પોસ્ટ કર્યો છે જેમાં તે T20 ક્રિકેટના સ્ટાર બેટ્સમેન સૂર્યકુમાર યાદવ સાથે જોવા મળ્યા હતા.
સીએમ યોગીએ સૂર્યા માટે કહ્યું કઇંક આવું
મુખ્યમંત્રી યોગી આદિત્યનાથે તેમના સોશ્યલ મીડિયા પર આ તસવીર શેર કરી અને લખ્યું હતું કે તેમના સરકારી આવાસ, લખનઉમાં યુવા અને મહેનતુ ખેલાડી SKY (Mr. 360°) સાથે એક મુલાકાત.' જણાવી દઈએ કે આ ફોટો પોસ્ટ થતાની સાથે જ સોશ્યલ મીડિયા પર ટ્રેન્ડ કરવા લાગ્યો હતો. હાલ લોકો આ તસવીરને જોરદાર શેર કરી રહ્યા છે. યોગી આદિત્યનાથ અને સૂર્યકુમાર યાદવના ચાહકો આ બંનેને એક સાથે જોઈને ખૂબ જ ખુશ થઈ ગયા છે.
ટી-20નો કિંગ છે સૂર્યા
સૂર્યકુમાર યાદવની વાત કરીએ તો એમને તાજેતરમાં T20 ક્રિકેટમાં ઘણા રન બનાવ્યા છે અને સૂર્યા દરરોજ આ ફોર્મેટમાં રેકોર્ડ બનાવે છે. જણાવી દઈએ કે હાલમાં સૂર્યા T20 વર્લ્ડ રેન્કિંગમાં પહેલા સ્થાને છે. લખનઉમાં રમાયેલી આ મેચમાં સૂર્યકુમાર યાદવને મેન ઓફ ધ મેચ તરીકે પસંદ કરવામાં આવ્યો હતો. એ ઓછા સ્કોરવાળી મેચમાં ભારતની ઇનિંગ્સને એક બાજુથી રોકી રાખી હતી અને મેચની છેલ્લી ઓવરમાં ટીમને જીત અપાવી હતી. હવે બંને ટીમો વચ્ચે 1 ફેબ્રુઆરીએ અમદાવાદમાં આવનારી મેચ રમાશે.