મહામારી / ઉત્તરપ્રદેશ : CM યોગી થયા આઈસોલેટ, CMOમાં કેટલાંક અધિકારીઓ કોરોના પોઝિટિવ

• યુપી મુખ્યમંત્રી કાર્યાલયમાં ઘણા અધિકારીઓ કોરોના પોઝિટીવ
• સીએમ યોગી થયા આઈસોલેટેડ
• તમામ કામો વર્ચ્યુઅલી કરતા રહેશે 

સીએમ યોગીએ હિંદીમાં ટ્વિટ કરીને જણાવ્યું કે મારી ઓફિસના કેટલાક અધિકારીઓ કોરોના પોઝિટીવ નીકળ્યાં છે. આ અધિકારીઓ મારા સંપર્કમાં રહ્યાં હોવાથી, અગમચેતીના પગલા રુપે મેં મારી જાતને આઈસોલેટ કરી દીધી છે. મુખ્યમંત્રીએ જણાવ્યું કે એક અગમચેતીના પગલા તરીકે હું મારી જાતને આઈસોલેટ કરી રહ્યો છું. 
હું તમામ કામ વર્ચ્યુઅલી કરતો રહીશ. 

યુપીમાં લોકાડાઉનનો સીએમ યોગીનો ઈન્કાર 
સીએમ યોગીએ જણાવ્યું કે યુપીમાં હાલમાં લોકડાઉનની કોઈ જરુર નથી. હાલમાં કડક પ્રતિબંધો પૂરતા છે. જરુર પડ્યે નિર્ણયો લેવામાં આવશે. ઉત્તરભારતના સૌથી મોટા રાજ્યમાં 24 કલાકમાં નોંધાયેલા કેસનો અત્યાર સુધીનો સૌથી મોટો રેકોર્ડ છે. તે જ સમયે, એકલા રાજધાની લખનૌમાં 5382 નવા કેસ સામે આવ્યા છે. પ્રયાગરાજમાં 1856, કાનપુરમાં 1271 અને વારાણસીમાં 1404 કેસ આવવાને કારણે પરિસ્થિતિ ચિંતાજનક છે. ઉત્તર પ્રદેશના આરોગ્ય મુખ્ય સચિવ અમિત મોહને કહ્યું કે રાજ્યમાં ડિસ્ચાર્જ લોકોની સંખ્યા 3,474 છે. સક્રિય કેસની સંખ્યા 95,980 છે. કોરોનાથી અત્યાર સુધીમાં 9,309 લોકો મૃત્યુ પામ્યા છે. ગઈકાલે રાજ્યમાં 2,18,965 સેમ્પલની તપાસ કરવામાં આવી છે.

અત્યાર સુધીમાં ત્રણ કરોડથી વધુ લોકોનું ટેસ્ટિંગ 

અધિક મુખ્ય સચિવે માહિતી આપી હતી કે, રાજ્યમાં અત્યાર સુધીમાં કુલ 3,71,73,548 નમૂનાઓની તપાસ કરવામાં આવી છે. ગઈકાલે 12 એપ્રિલે રસીકરણના દિવસે 5,08,000 થી વધુ લોકોને રસી આપવામાં આવી હતી. અત્યાર સુધીમાં 80,18,671 લોકોને રસીનો પ્રથમ ડોઝ આપવામાં આવ્યો છે. 13,44,110 લોકોએ તેમનો બીજો ડોઝ પણ લીધો છે.

તે જ સમયે, દેશમાં કોરોનાના આવતા નવા કેસોમાં 80.80 ટકા મહારાષ્ટ્ર, ઉત્તર પ્રદેશ અને દિલ્હી સહિત 10 રાજ્યોના છે. કેન્દ્રીય આરોગ્ય મંત્રાલયે મંગળવારે કહ્યું કે છેલ્લા 24 કલાકમાં કુલ 1,61,736 નવા કેસ નોંધાયા છે. આ 10 રાજ્યોની યાદીમાં છત્તીસગઢ, કર્ણાટક, તામિલનાડુ, મધ્યપ્રદેશ, ગુજરાત, રાજસ્થાન અને કેરળનો સમાવેશ થાય છે.

આરોગ્ય મંત્રાલયે કહ્યું દેશમાં નવા કેસોની સંખ્યા વધી રહી છે 

મંત્રાલયે કહ્યું કે દેશમાં નવા દૈનિક કેસ સતત વધતા જાય છે. મહારાષ્ટ્રમાં સૌથી વધુ નવા કેસ નોંધાયા છે. આ પછી ઉત્તર પ્રદેશ અને છત્તીસગઢમાં નવા કેસ સામે આવ્યા છે. મુખ્યમંત્રી અરવિંદ કેજરીવાલે કહ્યું કે છેલ્લા 24 કલાકમાં દિલ્હીમાં 13,500 કેસ નોંધાયા છે.