મુંબઈ / આ છે યોગી આદિત્યનાથનો માસ્ટર પ્લાન જે ઉદ્ધવ ઠાકરેની ઊંઘ ઉડાવી રહ્યો છે

અનેક હસ્તીઓ CM યોગીને મળવા પહોંચી

આ દરમિયાન અક્ષય કુમારથી લઈને ગાયક કૈલાસ ખેર સુધીની અનેક હસ્તીઓ CM યોગીને મળવા પહોંચી. યોગીની તેમના ડ્રીમ પ્રોજેક્ટ માટેની આ ઝડપ જોઇને મહારાષ્ટ્રના રાજકારણમાં હલચલ મચી ગઈ છે. યુપી ફિલ્મ સિટી માટે આવી ઝપાઝપી જોઇને CM ઉદ્ધવ ઠાકરેની ઊંઘ ઉડી ગઈ છે.

Maharashtra: Actor Akshay Kumar called on Uttar Pradesh CM Yogi Adityanath at Mumbai's Trident hotel where the latter is staying.

UP Chief Minister will launch Rs 200 crores Lucknow Municipal bond at Bombay Stock Exchange tomorrow. pic.twitter.com/BZVfiMd0Bk

— ANI (@ANI) December 1, 2020

"કોઈ અહીંથી બળજબરીથી ધંધો લઈને નહીં જઈ શકે"

યોગીની મુલાકાત પહેલા જ ઠાકરેના નિવેદનમાં પણ બેચેની જોવા મળી હતી. ઉદ્ધવ ઠાકરેએ નામ લીધા વિના કહ્યું કે કોઈ અહીંથી બળજબરીથી ધંધો લઈને નહીં જઈ શકે. બીજી તરફ, નોઈડામાં ફિલ્મ સિટી માટેની તૈયારીઓએ જોર પકડ્યું છે. 

7 ડિસેમ્બરે ટેક્નિકલ ટેન્ડર ખોલવામાં આવશે

ઓથોરિટીએ ફિલ્મ સિટીનો ડિટેલ પ્રોજેક્ટ રિપોર્ટ (ડીપીઆર) બનાવવા માટે 3 ડિસેમ્બર સુધીમાં એજન્સી પાસેથી અરજીઓ માંગી છે. 7 ડિસેમ્બરે ટેક્નિકલ ટેન્ડર ખોલવામાં આવશે. 15 ડિસેમ્બર સુધીમાં કંપનીની પસંદગી કરવામાં આવશે. આ કંપનીઓ 2 મહિનામાં ફિઝિબિલિટી રિપોર્ટ સોંપશે જ્યારે 3 મહિનામાં ડીપીઆર સોંપશે.

આવતા વર્ષના માર્ચ સુધીમાં કામ પૂરું થશે 

આ વિસ્તૃત અહેવાલમાં ફિલ્મ સીટીની સંપૂર્ણ બ્લ્યુ પ્રિન્ટ તૈયાર કરવામાં આવશે. આ પછી આ પ્રોજેક્ટ ઉપર કામ શરુ કરવામાં આવશે. ડીપીઆર સાથે એજન્સી ફિલ્મ સિટીના વિકાસનું મોડેલ બનાવશે. આ માટે ફંડની કેવી ગોઠવણ કરવામાં આવશે તે પણ તે સમજાવશે. આ બધા કામ આવતા વર્ષે માર્ચ સુધીમાં પૂર્ણ થઈ જશે.